Sevan Startup Summit 2018

22 Հուլ 2018 - 29 Հուլ 2018
Սեւան

Սամմիթին կմասնակցի շուրջ 1000 ձեռներեց ամբողջ աշխարհից, այդ թվում 120 ստարտափ թիմ
Գրանցվել

Րաֆֆի Գրիգորյան

U.S. Democratic National Committee

ԱՄՆ դեմոկրատական կուսակցության ազգային հանձնաժողովի գլխավոր տեխնոլոգիական տնօրեն (CTO)

Կարեն Վարդանյան

Union of Information Technology Enterprises

ԻՏՁՄ գործադիր տնօրեն

Դավիթ Յան

ABBYY

ABBYY համակարգչային ծրագրերի ընկերության հիմնադիր, Lingvo էլ. բառարանի ստեղծող

Հայկ Կայսերյան

KAYWEB and KAYWEB Angels

Ավստրալաբնակ հրեշտակ ներդրող, KAYWEB, KAYWEB Angels ընկերությունների հիմնադիր

Be Armenian

Հայկական թեմաներով հայալեզու ֆոներ եւ բացիկներ

Wakie

Զրուցել անծանոթի հետ, ստանալ հուզող հարցերի պատասխաններ

LiveBoard

Ինտերակտիվ գրատախտակ՝ նկարելու եւ զրուցելու համար

A2B transport

Երեւանի տրանսպորտային երթուղիների որոնում

Movie Trip

Տեղեկատվություն հայտնի ֆիլմերում ներկայացված վայրերի մասին

Zangi

Անվճար HD տեսազանգեր,չաթ

Playland Armenia

Կրթական եւ ժամանցային անվճար խաղային հարթակ

Paqqy

Ճամփորդի միջոցով փաթեթի ուղարկում եւ ստացում

Mobile ID-ն Հայաստանում փորձնական գործարկման փուլ է մտել

Այսօր Հայաստանում մեկնարկել է բջջային էլեկտրոնային թվային ստորագրության կամ Mobile ID-ի (mID) համակարգի փորձնական գործարկումը: Այն արդյունավետ եւ անվտանգ գործիք է անձը նույնականացնելու եւ ցանկացած էլեկտրոնային փաստաթղթեր առցանց ստորագրելու համար:

Առայժմ Mobile ID-ն հասանելի կլինի սահմանափակ թվով օգտատերերի եւ էլեկտրոնային ծառայություն մատուցողների:

Նույնականացման քարտի միջոցով էլեկտրոնային թվային ստորագրությունը Հայաստանում վաղուց օգտագործվում է, իսկ բջջային էլեկտրոնային թվային ստորագրությունը Հայաստանում ներդրվում է «Էլեկտրոնային կառավարման ենթակառուցվածքների ներդրման գրասենյակ»-ի (ԷԿԵՆԳ ՓԲԸ-ի), «Նիկիտա Մոբայլ» ՍՊԸ-ի եւ բջջային օպերատորների ջանքերով:


Համագործակցության մասին հուշագիրն այսօր ստորագրել են «Նիկիտա Մոբայլ» ՍՊԸ-ն, ԷԿԵՆԳ ՓԲԸ-ն, «ՎԵՈՆ Արմենիա»-ն եւ Ucom-ը:

Mobile ID-ն թույլ է տալիս բջջային հեռախոսի միջոցով անցնել նույնականացում եւ ստորագրել էլեկտրոնային փաստաթղթեր՝ առանց հատուկ սարքավորումների եւ նույնականացման քարտի: Միայն բջջային կապն ու ակտիվացված mID ծառայությունը լիովին բավարար են օգտվելու ծառայությունից՝ անկախ ստորագրողի գտնվելու վայրից:

Որպես mID օպերատոր է հանդես գալիս «Նիկիտա Մոբայլ»-ը, որն իրականացնում է համակարգի ներդրումը, ընթացիկ եւ հետագա տեխնիկական սպասարկումը: Ընկերության հիմնադիր Արա Յաղջյանը նշել է, որ իրենց հաշվարկներով՝ 2-3 տարվա ընթացքում Հայաստանում 50 հազ. բաժանորդ կօգտագործի Mobile ID ծառայությունը:
 
«Այս պահին մոտ 30 SIM քարտ է ակտիվացված: Թեստային փուլը կտեւի մոտ 1 ամիս, բայց քանի որ օպերատորները պետք է իրենց մատակարարներից հատուկ SIM քարտեր պատվիրեն, գուցե լրացուցիչ ժամանակ պետք լինի, որ այդ քարտերը հասնեն շուկա եւ հնարավոր լինի դրանք առաջարկել բաժանորդներին»,- նշել է նա:

Արա Յաղջյանի խոսքով՝ Mobile ID-ն կարեւոր գործիք է հատկապես ֆինանսական սեկտորի, տելեկոմի եւ մնացած այն ոլորտների համար, որոնք ծառայություններ են մատուցում առցանց տիրույթում եւ ունեն խիստ նույնականացման կարիք:

Ծառայության լիակատար անվտանգությունը երաշխավորելու համար, «Նիկիտա Մոբայլն» օգտագործել է համաշխարհային առաջատար ընկերությունների մշակած եւ Եվրոպայում փորձարկումներ անցած բջջային ստորագրության ծրագրային ապահովումը:  

«Գնել ենք շատ հայտնի եվրոպական լուծում, որի հիման վրա կառուցել ենք տեղական լուծում՝ հայաստանյան թիմերի մասնակցությամբ: Կարելի է ասել՝ սա 50% հայկական, 50% եվրոպական լուծում է»,- նշել է Արա Յաղջյանը:

Խոսելով ֆինանսական ներդրումների մասին՝ նա տեղեկացրել է, որ ծառայության բիզնես մոդելը դեռ որոշված չէ.

«Մեծ գումարներ են ներդրվել մեր ընկերության կողմից, ակնկալելով, որ հետագայում գումար կվաստակենք: Բայց մեր ընկերության առաջնային նպատակը եղել է նման ծառայություն ներդրումը Հայաստանում, քանի որ 10 տարուց ավելի է՝ այս շուկայում ենք: Սա կխթանի էլեկտրոնային ծառայությունների զարգացմանը»:

ԷԿԵՆԳ-ի փոխտնօրեն Մկրտիչ Գրիգորյանն էլ ասել է, որ իրենց ընկերությունը ID քարտերի հավաստագրման կենտրոնն է, այն նույնականացնում է էլեկտրոնային ստորագրություն դրած մարդուն:

Հայաստանում Beeline-ի Կոմերցիոն տնօրեն Հայկ Կարապետյանն էլ նշել է, որ ծրագրում ընդգրկված են ամենասկզբից.

«Քանի որ լավ առաջարկ է, որքան ուժ ունենք՝ օգնում ենք: Կարծում եմ՝ փորձարկման փուլը կտեւի 1-2 ամիս, մինչ այս էլ արդեն ահռելի աշխատանք է կատարվել թեստավորման ուղղությամբ: Սա արդեն համարյա պատրաստի ծրագիր է»,- ասել է Հայկ Կարապետյանը:

Առաջիկայում բջջային էլեկտրոնային թվային ստորագրությունը կիրառելի կլինի ինչպես պետական, այդպես էլ մասնավոր հատվածում:

submit to reddit

Մեկնաբանություններ

Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում:



banks
mediamax
sport
bravo