Sevan Startup Summit 2018

22 Հուլ 2018 - 29 Հուլ 2018
Սեւան

Սամմիթին կմասնակցի շուրջ 1000 ձեռներեց ամբողջ աշխարհից, այդ թվում 120 ստարտափ թիմ
Գրանցվել

Ալ Եսայան

IntelinAir

Ամերիկահայ գործարար, IntelinAir ընկերության հիմնադիր

Հայկ Կայսերյան

KAYWEB and KAYWEB Angels

Ավստրալաբնակ հրեշտակ ներդրող, KAYWEB, KAYWEB Angels ընկերությունների հիմնադիր

Դավիթ Յան

ABBYY

ABBYY համակարգչային ծրագրերի ընկերության հիմնադիր, Lingvo էլ. բառարանի ստեղծող

Մարինա Մխիթարյան

Kolba Lab

ՄԱԶԾ/Կոլբա նորարարական լաբորատորիայի ղեկավար

Dinebook

Նախապես տեղ ամրագրել ժամանցի վայրերում

LiveBoard

Ինտերակտիվ գրատախտակ՝ նկարելու եւ զրուցելու համար

OutChat

Ծանոթանալ եւ հանդիպել 24 ժամ անց

Servicebrok

Ֆիքսված սակագնով տան ծառայությունների պատվիրում

Cubway

Արկադային (Arcade game) էլեմենտներով puzzle խաղ

Velopark

Հեծանվային կայանատեղիների, սպասարկման կետերի որոնում

Shadowmatic

Երեւակայությունը զարգացնող 3D փազլային խաղ

Paqqy

Ճամփորդի միջոցով փաթեթի ուղարկում եւ ստացում

Mobile ID՝ բջջային հեռախոսով նույնականացման ճանապարհին

ՀՀ կառավարության կողմից ընդունված որոշման համաձայնˋ հոկտեմբերի 1-ից քաղաքացիները հնարավորություն կունենան նույնականացվել բջջային հեռախոսի միջոցով, ինչը թույլ կտա առանց տանից դուրս գալու եւ նույնականացման քարտի կիրառման, պետական կառույցների հետ անհրաժեշտ գործարքներ կատարել էլեկտրոնային եղանակով:

Mobile ID համակարգի ներդրման եւ բջջային հեռախոսի միջոցով նույնականացման ծրագրի մանրամասները Itel.am-ի հետ զրույցում պարզաբանել է Էլեկտրոնային ենթակառուցվածքների ներդրման գրասենյակի գործադիր տնօրեն Արթուր Թունյանը:

«Շարքային քաղաքացին, այդ համակարգից օգտվելու համար պետք է դիմի իրեն սպասարկող բջջային օպերատորին, որպեսզի ակտիվացնի տվյալ ծառայությունը: Դրա համար օպերատորը փոխարինելու է դիմողի SIM քարտըˋ պահպանելով նրա հեռախոսահամարը: Ենթադրվում է, որ ծառայության ակտիվացման պահից քաղաքացին ամեն ամիս որոշակի գումար է վճարելու իր օպերատորին, որը պայմանական, կարող է լինել մինչեւ հինգ հարյուր դրամի սահմանում, լրացուցիչ այլ ծախսեր համակարգը չի ենթադրում»,- նշում է մեր զրուցակիցն ու ներկայացնում Mobile ID-ի կիրառման կարգը:

Պետական կառույցների կայքերը, որոնք քաղաքացիները պետք է օգտագործեն իրեն անհրաժեշտ գործողությունը կատարելու համար, կառանձնացվեն համակարգի սպասարկման տարբերանշանով:

Համակարգը գործում է հետեւյալ կերպˋ քաղաքացին տվյալ կայքում, օրինակˋ https://e-citizen.am, մուտքագրում է իր հեռախոսահամարը, ապա փորձում մուտք գործել  համակարգ: Մուտքի կոճակը սեղմելուց հետո նա իր բջջային հեռախոսին SMS հաղորդագրությամբ հարցում կստանաˋ արդյոք ի՞նքն է փորձել մուտք գործել տվյալ համակարգ: Դրական պատասխանից հետո համակարգը պահանջում է PIN կոդի ակտիվացում, որը քաղաքացին ստանում է առաջին քայլի՝ SIM քարտի փոխարինման ժամանակ՝ բջջային օպերատորի կողմից:

«Դա ոչ թե SIM քարտի կոդն է, այլ հաստատագրի PIN-ը: Սա գաղտնի կոդ է, որ քաղաքացին չպետք է փոխանցի որեւէ մեկին»,- նկատում է Արթուր Թունյանը:

Կոդը հավաքելուց վայրկյաններ անց կայքը քաղաքացուն նույնականացնում է, որից հետո նա ճանաչվում է տվյալ համակարգում եւ կարող է ստանալ իրեն անհրաժեշտ ծառայությունը:

Մեր զրուցակցի փոխանցմամբ՝ Mobile ID-ին քաղաքացու համար հասանելի կդարձնի պետական մարմինների կողմից մատուցով բոլոր այն ծառայությունները, որոնք հասանելի են էլեկտրոնային եղանակով: Կամավորության սկզբունքով բանկերը եւս կարող են ներդնել այս համակարգը, ինչի ուղղությամբ ներկայում քննարկումներ են ընթանում:

Ի դեպ, համակարգից օգտվելու համար բջջային հեռախոսի առանձնահատուկ տվյալներ պետք չեն. բավական է այն ունենա SMS հաղորդագրություն ստանալու հնարավորություն եւ քաղաքացին կարող է նույնականացվել:

«Քննարկումներ են տարվում նաեւ բջջային օպերատորների հետ: Կսահմանվի քարտի փոխարինման ամսավճարի նախնական շեմը, որից հետո միայն կսկսվի Mobile ID-ի ներդրման գործընթացը»,- նշում է Արթուր Թունյանը:

Խոսելով օպերատորների՝ ծրագրում ներգրավվելու մասին՝ մեր զրուցակիցը նշում է, որ «պետությունը չի պարտադրելու բջջային օպերատորներին գնալ այդ քայլին, սակայն համակարգն ու բիզնես-գաղափարն այնպիսին է, որ օպերատորները քարտերի փոխարինումից ստանում են շահույթ, ինչը պետք է շահագրգռի նրանց մատուցել այդ ծառայությունը»:

Արթուր Թունյանը վստահեցնում է՝ «համակարգը գերանվտանգ է, այլ հարց է, որ քաղաքացին պետք է կարողանա պաշտպանել իր անձնական տվյալը, այս դեպքում՝ PIN կոդը, ինչպես անում է բանկային քարտի տվյալների դեպքում»:

Համակարգը ներդրված է մի շարք երկրներում, հիմնականում՝ Բալթյան, գործում է նաեւ Ադրբեջանում:

«Հայաստանում ներդրման շնորհիվ պետական-էլեկտրոնային ծառայությունները հասանելի են դառնում քաղաքացուն՝ թույլ տալով առանց տանից կամ աշխատավայրից դուրս գալու, խիստ նույնականացման միջոցով, շփվել պետական մարմնի հետ՝ ստանալով իրեն անհրաժեշտ գործընթացի արդյունքը»,- ամփոփում է Էլեկտրոնային ենթակառուցվածքների ներդրման գրասենյակի գործադիր տնօրենը:

Սիրանուշ Եղիազարյան

submit to reddit

Մեկնաբանություններ

Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում:



banks
mediamax
sport
bravo