Նինա Աչաջյան

HIVE

HIVE ներդրումային հիմնադրամի հիմնադիր

Հայկ Կայսերյան

KAYWEB and KAYWEB Angels

Ավստրալաբնակ հրեշտակ ներդրող, KAYWEB, KAYWEB Angels ընկերությունների հիմնադիր

Ալեքսիս Օհանյան

Reddit

Ամերիկահայ ձեռներեց, ներդրող, Reddit սոցիալական լրատվական կայքի համահիմնադիր

Արտաշես Վարդանյան

Microsoft Innovation Center

Մայքրոսոֆթ ինովացիոն կենտրոնի տնօրեն

gg

Ավտոմեքենա պատվիրելու օնլայն համակարգ

inKin

Սոցիալական ֆիթնեսի հայ-ռուսական հարթակ

Mashtots

Արեւմտահայերեն սովորեցնող հավելված

Wakie

Զրուցել անծանոթի հետ, ստանալ հուզող հարցերի պատասխաններ

Be Armenian

Հայկական թեմաներով հայալեզու ֆոներ եւ բացիկներ

Dhole

Խաղի միջոցով սովորել համաստեղությունների անունները

Gugas

Միավորում է տաքսիի եւ քարփուլինգի գործառույթները

Localz

Զբոսաշրջիկների համար ստեղծված հարթակ

Աշխատանքն ու առօրյան Beeline-ում. մաս 2-րդ

Հայաստանում գործում են մեծ թվով ՏՏ եւ հեռահաղորդակցության ընկերություններ, որոնք տարբերվում են չափերով, գործունեության ուղղություններով, ինչպես նաեւ աշխատանքային միջավայրով:

Itel.am-ն իր այս շարքում փորձում է ներսից բացահայտել այդ ընկերությունների աշխատանքային առանձնահատկությունները:

«ՎԵՈՆ Արմենիա» (ապրանքանիշը` Beeline) հեռահաղորդակցության ընկերությունը հիմնադրվել է 1995թ. ամերիկյան Trans-World Telecom ընկերության հետ համատեղ՝ ՀՀ կապի նախարարության որոշմամբ։

2008-ից ընկերությունը Beeline ապրանքանիշի ներքո Հայաստանի ամբողջ տարածքում մատուցում է GSM 900/1800, 3G (UMTS) եւ 4G (LTE), ստանդարտ շարժական կապի, ամրակցված հեռախոսակապի ծառայություններ, ինչպես նաեւ ապահովում է Ինտերնետ հասանելիություն CDMA, ADSL եւ FTTB տեխնոլոգիաներով:

«ՎԵՈՆ Արմենիա»-ն «ՎԵՈՆ» ընկերությունների խմբի մի մասն է, որն աշխարհի խոշորագույն ինտեգրված օպերատորներից մեկն է: Հայաստանյան գրասենյակում շուրջ 2000 մարդ է աշխատում:


Սյուզաննա Ակրիտովա, իրավաբանական տնօրինության դատական եւ վարչական գործերի բաժնի պետ

17 տարի է՝ աշխատում եմ Beeline-ում, արդեն 10 տարի է՝ ղեկավարում եմ այս բաժինը: Թիմը 7 հոգուց է բաղկացած։

Իմ գործառույթներն են՝ ընկերության շահերի ներկայացումը ՀՀ դատարաններում եւ պետական մարմիններում:
Սյուզաննա Ակրիտովան

Սյուզաննա Ակրիտովան
Լուսանկարը՝ Մեդիամաքս


Օրս սկսվում է առավոտյան ժամը 7:00-ին, քանի որ 3 երեխաների մայր եմ:

Ընկերությունում այս տարի ներդրվեցին աշխատանքային նոր պայմաններ. աշխատողները որոշակի ժամանակահատված կարող են աշխատել գրասենյակից դուրս՝ հեռահար: Դա տալիս է ազատության զգացում:

Open space-ի շնորհիվ մենք մեզ ամբողջական թիմ ենք զգում եւ չենք առանձնանում ըստ բաժինների կամ պաշտոնների: Beeline-ն ամբողջական թիմ է, չունենք կոնկրետ անվանական աշխատասեղաններ, յուրաքանչյուրը կարող է ընտրել, թե որտեղ է իրեն հարմար աշխատել։

Տարեդարձերը եւ այլ հատուկ առիթներ նշելու համար ունենք հարմարավետ ճաշարան։

Սոնա Ավետիսյան, ֆիքսված ծառայությունների գծով ավագ մենեջեր

Beeline-ում աշխատում եմ արդեն 4 տարի։ Մեր թիմը կազմված է 5 հոգուց:

Աշխատանքի եմ ընդունվել վաճառքի սպասարկման գրասենյակում, երկու տարի անց՝ տեղափոխվել մարքեթինգի թիմ: Գործի բերումով առնչվում եմ ընկերության բոլոր բաժինների եւ թիմերի հետ:
Սոնա Ավետիսյանը

Սոնա Ավետիսյանը
Լուսանկարը՝ Մեդիամաքս


Open space-ի շնորհիվ աշխատանքային օրն ընկերությունում անցնում է աշխույժ եւ բուռն: Բոլորը հասանելի են եւ դրա շնորհիվ աշխատանքային պրոցեսը բավական արագ է ընթանում:

Այստեղ չկան ենթակա-ղեկավար հիերարխիկ սահմանափակումներ: Ցանկացած աշխատակից կարող է ղեկավարին անմիջապես դիմել իրեն հուզող հարցով եւ ստանալ պատասխան:

Ժամանցի վայրեր այցելում ենք հիմնականում կոմերցիոն բաժնով, որը մեծ թիմ է՝ շուրջ 50 հոգի:

Beeline-ի ամբողջ անձնակազմով հանդիպում ենք տարին մեկ անգամ՝ կորպորատիվ միջոցառման ժամանակ։

Անի Աբրահամյան, Ռոումինգի տեխնիկական տեստավորման եւ աջակցման առաջատար մասնագետ / Ведущий специалист по техническому тестированию и поддержке роуминга

Beeline-ում աշխատում եմ արդեն 6 տարի: Ռոումինգի մեր թիմը բաղկացած է 6 հոգուց:
Անի Աբրահամյանը

Անի Աբրահամյանը
Լուսանկարը՝ Մեդիամաքս


Պայմանագրեր ենք կնքում տարբեր երկրների օպերատորների հետ, որպեսզի մեր բաժանորդներն իրենց ցանցերում կարողանան օգտվել մեր ծառայություններից եւ հակառակը: Մինչ պայմանագրերի կնքումը, տեղի են ունենում տեխնիկական ստուգումներ, թեստավորումներ, որոնցով ես եմ զբաղվում:

Աշխատանքս ժամը 9:00-ին է սկսվում, շատ դեպքերում, եթե աշխատանքը շատ է, ժամը 18:00-ից հետո էլ ենք մնում եւ աշխատում: Մեր հիմնական նպատակն է այդ օրվա աշխատանքն ավարտին հասցնել:

Հանգստյան օրերին եւ ոչ աշխատանքային ժամերին եւս միշտ հասանելի եմ, քանի որ հնարավոր է ռոումինգում գտնվող բաժանորդները խնդիրներ ունենան եւ իմ աջակցության կարիքը լինի։

Open space-ն ունի իր կանոնները, եւ այդ կանոններին մենք ծանոթացել ենք մինչեւ այս տարածք տեղափոխվելը: Այդ կանոններից մեկն է այն, որ ներս մտնելիս բոլորին պետք չէ առանձին-առանձին բարեւել, այլապես խառնաշփոթ կստեղծվի (ծիծաղում է – խմբ.):

Հովհաննես Կարապետյան, գլխավոր էներգետիկ

Beeline-ում աշխատում եմ 2017թ. դեկտեմբերի 1-ից: Թիմեր ունենք ՀՀ տարբեր շրջաններում։

Աշխատանքային օրս սկսվում է շահագործման շրջաններից տեղեկատվություն ստանալով: Կարելի է ասել, որ իմ աշխատանքային օրը չի էլ ավարտվում, քանի որ տեղեկատվությունը գիշերն էլ է գալիս: Առավոտյան տարբեր ուղղությունների ղեկավարների հետ քննարկումներ ենք իրականացնում:
Հովհաննես Կարապետյանը

Հովհաննես Կարապետյանը
Լուսանկարը՝ Մեդիամաքս


Beeline-ում ինձ առաջին հերթին գրավում է այն, որ այստեղ չկան կարծրատիպեր, թե ղեկավարն անհասանելի է, կամ որ միշտ ճիշտ է: Այստեղ ցանկացած աշխատող գիտակցում է, որ ինքը պետք է բարիք ստեղծի, նյութական օգուտ տա ընկերությանը:

Ինչ վերաբերում է էներգետիկային, ապա ես կարեւորում եմ այն, որ Beeline-ը շարժվում է կանաչ քաղաքականության ուղղությամբ: Մոտ ապագայում մեր աշխատանքում ինտեգրելու ենք վերականգնվող էներգետիկայի տեսակներ: Ի դեպ, գրասենյակում արդեն իսկ բոլոր լամպերը լուսադիոդային են:

Ներկայում քայլեր են ձեռնարկվում Beeline-ի ալեհավաքային կայանների, բջջային եւ ֆիքսված կայանների մասով էներգաարդյունավետ լուծումների ինտեգրման ուղղությամբ։

Լալա Հովհաննիսյան, կորպորատիվ վաճառքների գծով ավագ մասնագետ

Beeline-ում աշխատում եմ արդեն 1 տարի: Կորպորատիվ վաճառքների թիմը կազմված է 15 հոգուց:

Գործառույթներս են՝ կորպորատիվ հաճախորդներին ներկայացնել մեր ծառայությունները: Աշխատում ենք ՓՄՁ-ների եւ մեծ բիզնեսների, ինչպես նաեւ պետական կառույցների հետ։
Լալա Հովհաննիսյանը

Լալա Հովհաննիսյանը
Լուսանկարը՝ Մեդիամաքս


Իմ հիմնական աշխատանքը գրասենյակից դուրս է՝ անընդհատ հաճախորդների գրասենյակներում հանդիպումների եմ: Գրասենյակում լինում եմ հիմնականում առավոտյան, երբեմն ընդմիջման ժամին եւ հիմնականում երեկոյան՝ օրն ամփոփելու նպատակով։

Beeline-ում աշխատելու առանձնահատկությունն ինձ համար այն է, որ այստեղ չկա լարված գրասենյակային մթնոլորտ: Հանգստանալու եւ աշխատելու պայմանները մեծ առավելություն են, ինչը կարող է աշխատողին նոր էներգիա հաղորդել։ Բոլոր պայմանները ստեղծված են, որ թե՛ աշխատանքն արդյունավետ ընթանա, եւ թե՛ աշխատողը շատ չհոգնի եւ իրեն լավ զգա:

Նարինե Դանեղյան

Լուսանկարները՝ Էմին Արիստակեսյանի

submit to reddit

Մեկնաբանություններ

Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում:



banks
mediamax
sport
bravo