Sphere մոբայլ հավելվածը, որը մոտակայքում գտնվող մարդկանց օգնությամբ միջավայրում կողմնորոշվելու, ինչպես նաեւ հուզող հարցերին պատասխաններ գտնելու հնարավորություն է տալիս, վերածվել է լոկալ սոցիալական ցանցի:
Itel.am-ին այս մասին ասել է Sphere-ի համահիմնադիր Դավիթ Խաչատրյանը:
Նրա խոսքով, հավելվածում նախկինում առկա բաժինները վերացվելեն, եւ մարդիկ այսուհետ կարող են շփվել ցանկացած թեմայով (օրինակ՝ ֆրանսերեն սովորել, գնալ ֆուտբոլ նայելու կամ ձկնորսության):
«Սա լավ հնարավորություն է նույն հետաքրքրություններ ունեցող ծանոթներ ու ընկերներ ձեռք բերելու համար: Օրինակ, հավելվածի շնորհիվ արդեն զույգեր են ստեղծվել, որոնցից մեկը պատրաստվում է ամուսնանալ»,-նշել է Դավիթ Խաչատրյանը:
Նոր Sphere-ում կարելի է նաեւ գնահատել գրառումները, որոնցից ամենաբարձր գնահատվածները կհայտնվեն Top բաժնում:
Հիշեցնենք, որ Sphere-ը հասանելի է App Store-ում եւ Google Play-ում:
