SoloLearn-ի համահիմնադիրը՝ 50 խոստումնալից կին ձեռներեցների վարկանիշում

Crunchbase հարթակը հրապարակել է 2019թ. 50 խոստումնալից կին ձեռներեցների վարկանիշը, որտեղ ներկայացված է նաեւ հայ-ամերիկյան SoloLearn ընկերության համահիմնադիր եւ գործադիր տնօրեն Եվա Հյուսյանը:

Վարկանիշը ստեղծվել է Crunchbase Pro որոնման համակարգի տվյալների հիման վրա: Ընտրված կին ձեռներեցների ղեկավարած ընկերություններն 2018թ. ներդրում են ստացել:

08:45 | 26.02.19 |

Տեխնոլոգիաները եւ կանայք. Եվա Հյուսյան

Վարկանիշում ներկայացված կանանց մի մասը նոր է սկսում իր ձեռներեցական ուղին, մինչդեռ մյուսները հարյուր միլիոնավոր դոլարներ են հասցրել ներգրավել:

2018թ. սեպտեմբերին SoloLearn-ը հայտարարեց $5,6 մլն արժողությամբ վենչուրային ներդրում ստանալու մասին: Ներդրումային շրջափուլը գլխավորում էր Naspers Ventures-ը:

10:39 | 28.09.18 |

SoloLearn-ը $5,6 մլն ներդրում է ստացել

2014թ. հիմնադրված ստարտափի համանուն հավելվածի օգտատերերի կեսից ավելի ներկայացնում են ԱՄՆ-ն, Հնդկաստանը եւ Ռուսաստանը: Հավելվածով կարելի է սովորել JavaScript, Swift, Python, C++, HTML/CSS եւ այլ ծրագրավորման լեզուներ:

Առկա է նաեւ մասնագիտացած կոնտենտ՝ մեքենայական ուսուցման, արհեստական բանականության, ալգորիթմների մասին:Վեբ տարբերակից բացի՝ SoloLearn-ը հասանելի է Google Play-ում եւ App Store-ում: