Հայտնի են ԴիջիԿոդ մրցույթի հաղթողները

Հայաստանի Ամերիկյան համալսարանում կայացել է ԴիջիԿոդ պատանեկան ծրագրավորման ամենամյա մրցույթը, որին մասնակցել են ՀՀ գրեթե բոլոր մարզերի դպրոցականները:

Այս տարի ԴիջիԿոդ-ին մասնակցելու հայտ է ներկայացրել «Արմաթ» ինժեներական լաբորատորիաների 300 դպրոցական, որոնցից եզրափակիչ փուլ է անցել 54-ը:

Դպրոցականներն աշխատել են Կրիա (KTurtle) եւ Մասաչուսեթսի (MIT) տեխնոլոգիական ինստիտուտի կողմից մշակված Scratch (Աղվես) ծրագրավորման լեզուներով: Նրանք ներկայացրել են իրենց խաղերը մասնագիտական ժյուրիի անդամներին:

15:24 | 13.02.17 |

Հայտնի են ԴիջիԿոդ ծրագրավորման մրցույթի հաղթողները

13 տարեկանից բարձր տարիքային խմբում «Լավագույն խաղ» անվանակարգում հաղթողներ են ճանաչվել Ամիր Մեհդի Ասադին ու Րաֆֆի Բունիացյանը (Աբովյան)՝ իրենց «Revenge for justice» խաղով եւ Միքայել Նավոյանն ու Էդուարդ Ղազարյանը ՝ (Վանաձոր) իրենց «Last hope» խաղով, իսկ 13 տարեկանից ցածր տարիքային խմբում՝ Լիանա եւ Դիանա Խաչատրյանները (Կարճաղբյուր) «R/Evolution» խաղով:

Հռիփսիմե Յուզբաշյանն (Երեւանից) իր «Թիվ» խաղով հաղթել է 13 տարեկանից ցածր տարիքային խմբում «Լավագույն ինտերակտիվ անիմացիա» անվանակարգում, իսկ 13 տարեկանից բարձր տարիքային խմբում «Լավագույն ինտերակտիվ անիմացիա եւ սարքերի ինտեգրում» անվանակարգում հաղթող է ճանաչվել Վահագն Զարգարյանը (Արծվաբերդ) իր «Flying device» նախագծով:

Կրիա (KTurtle) ծրագրով «Լավագույն ալգորիթմական լուծում» անվանակարգում հաղթել է Մասիսից Էդգար Հարությունյանի «Եռանկյան կառուցում ըստ կոորդինատների» նախագիծը:

«Լավագույն դիզայն» անվանակարգի հաղթողն է Գյումրու 23 դպրոցի Արմաթի սաներ Ռազմիկ Սարգսյանի եւ Ստեփան Գրիգորյանի «Be like panda» խաղը:

Լավագույն ծրագրերի հեղինակներն արժանացել են պատվոգրերի ու խրախուսական մրցանակների:

Ժյուրիի կազմում ընդգրկված էին Արման Աթոյանը (X-Tech), Վահե Տոռոզյանը (Mindup Games), Նարեկ Թութխալյանը (Վորլդ Վիժն Հայաստան), Վարդան Մամիկոնյանը (Ucom), Արամ Քեռյանը (AUA), Սաթենիկ Մնացականյանը (Լեւիաթան), Նարեկ Աղեկյանը (Noor Games) եւ Արման Պողոսյանը (Ինստիգեյթ):

«ԴիջիԿոդը շատ լավ առիթ է ստեղծագործական տաղանդները բացահայտելու եւ մյուս կողմից դպրոցականների համար մրցակցային պայմաններ ապահովելու համար»,- նշել է ԻՏՁՄ գործադիր տնօրեն Կարեն Վարդանյանը:

ԴիջիԿոդն անցկացվում է 2015թ-ից ԻՏՁՄ-ի կողմից: Նպատակն է բացահայտել Հայաստանի ամբողջ տարածքում ինժեներություն ուսումնասիրող տաղանդավոր դպրոցականներին, ինչպես նաեւ խրախուսել նրանց, որպեսզի խաղեր սպառողից վերածվեն խաղ ստեղծողի:

ԴիջիԿոդի գլխավոր հովանավորը Ucom ընկերությունն է, հովանավորը՝ Վորլդ Վիժն Հայաստանը, գործընկերը՝ Հայաստանի Ամերիկյան համալսարանը: