10:26 | 05.02.18 | Նորություններ | 4199

YouTube Go-ն հասանելի է դառնում ամբողջ աշխարհում

Google ընկերության YouTube Go հավելվածը, որը հնարավորություն է տալիս տեսանյութեր դիտելու ցանցում առանց ինտերնետի հասանելիության, այս շաբաթ հասանելի կդառնա ամբողջ աշխարհում։

Հավելվածը կարելի է ներբեռնել Google Play-ից։

YouTube Go-ն այս շաբաթ հասանելի կդառնա ավելի քան 130 երկրում։ Այն թույլ է տալիս տեսանյութերը պահել հեռախոսի հիշողության քարտի կամ մոբայլ սարքի մեջ եւ դրանք օֆլայն դիտել։ Հնարավոր կլինի նաեւ ներբեռնած կոնտենտն ուղարկել այլ սարքերի՝ Bluetooth-ի միջոցով։

YouTube-ն իր էկոնոմ տարբերակը առաջին անգամ գործարկել է մեկ տարի առաջ Հնդկաստանում։ Դրա ծավալն ընդամենը 9,4 Մ/Բ է եւ աշխատում է անգամ այնպիսի հին տարբերակներով, ինչպիսին է Android 4.1-ը։

YouTube Go-ն Android Go հավելվածների հավաքածուի մաս է։ Այն նախատեսված է ոչ թանկ մոբայլ սարքերի համար, որոնք ունեն սահմանափակ ներքին հիշողություն։

Ի դեպ, Google-ը գործարկել է նաեւ Files Go հավելվածը, որը թույլ է տալիս Android հեռախոսի հիշողությունն արագ թեթեւացնել։