Amazon-ի հիմնադիրը $33 մլն է նվիրաբերել միգրանտների կրթությանը

Amazon-ի հիմնադիր Ջեֆ Բեզոսը կնոջ հետ միասին $33 մլն է նվիրաբերել միգրանտների երեխաների կրթությունը ապահովելու նպատակով։

TheDream.US կազմակերպությունը կրթաթոշակներ է տալիս ոչ լեգալ ճանապարհով ԱՄՆ-ում հայնտնված միգրանտների երեխաներին՝ կրթությունը շարունակելու նպատակով։

TheDream.US-ում նշել են, որ Բեզոսի նվիրատվությունը իրենց պատմության մեջ ամենախոշորն է եւ թույլ կտա միգրանտների հազարավոր երեխաների կրթություն ստանալ ամերիկյան քոլեջներում։

Ջեֆ Բեզոսն ասել է, որ իր հայրը 1960-ականներին, երբ 16 տարեկան էր, 14 հազ. այլ պատանիների հետ ԱՄՆ է եկել հեղափոխական Կուբայից՝ ԱՄՆ կառավարության կողմից իրականացվող Պիտեր Պեն գործողության շրջանակում։ Նրա խոսքով՝ այդ ժամանակ հայրը չգիտեր անգլերեն, սակայն աշխատասիրության եւ տեղական կազմակերպությունների աջակությամբ դարձել է ԱՄՆ օրինավոր քաղաքացի։