Beeline-ն անցկացրել է ամենախոշոր «Հաճախորդի օրը»

Beeline-ն անցկացրել է այս տարվա խոշորագույն «Հաճախորդի օրը», որի շրջանակում ընկերության ղեկավար կազմը 3 օր աշխատել է հաճախորդների հետ վաճառքի եւ սպասարկման գրասենյակներում։

Միջոցառումը ներառել է Հայաստանում Beeline-ի գրեթե բոլոր վաճառքի եւ սպասարկման գրասենյակները, որտեղ հաճախորդների հետ աշխատել են  ընկերության ավելի քան 120 մենեջերներ եւ աշխատակիցներ։

«Այս նախագիծը, որը մենք անվանում ենք «Հաճախորդի օր», սիրված եւ սպասված է ոչ միայն հաճախորդների, այլեւ մեր աշխատակիցների կողմից։ Պատճառը հաճախորդների հետ անձամբ շփվելու, հուզող հարցերի պատասխաններ լսելու, առաջարկներ անելու եւ հետադարձ կապ ստանալու հնարավորությունն է։ Նշեմ, որ հաճախորդների արդիական առաջարկներն ու ցանկությունները հնարավորինս արագ իրականացվում են, քանի որ շատ աշխատակիցներ միջոցառումից հետո հանդես են գալիս համապատասխան նախաձեռնություններով»,- նշել է Հայաստանում Beeline-ի գլխավոր տնօրեն Անդրեյ Պյատախինը:

Բացի եռամսյակը մեկ անցկացվող հաճախորդների օրերից, հետադարձ կապ ստանալու համար հաճախորդներին առաջարկվում է իրենց մեկնաբանություններն ու գնահատականները թողնել ընկերության գրասենյակ կամ սպասարկման կենտրոն դիմելուց հետո։ Անցած տարվա ընթացքում Beeline-ը ստացել եւ մշակել է ավելի քան 130 000 դիմում։