Երեւանում ավարտվել է «ՎԵՈՆ»-ի գլոբալ դիջիթոնը

Երեւանում ավարտվել է «ՎԵՈՆ» ընկերությունների խմբի առաջին գլոբալ Դիջիթոնը։

Դիջիթոնը նորարարությունների մրցույթ է, որը ստեղծված է «հեքըթոն» ձեւաչափում նոր թվային պրոդուկտների մշակման նպատակով։

«Այս անգամ մասնակից թիմերը կենտրոնացել էին մեր գլոբալ պրոդուկտի զարգացման վրա։ Տարբեր շուկաների ներկայացուցիչներ՝ բոլորը մեկ տարածությունում միասին մշակում էին լուծումներ, որոնք պետք է զգալիորեն ազդեն սպառողական փորձի վրա։ Ես անհամբեր սպասում եմ, երբ պիտի կյանքի կոչվեն հաղթողների գաղափարները»,- նշել է Եվրասիա միավորի գլխավոր գործադիր տնօրեն Միխաիլ Գերչուկը։

«Գլոբալ Դիջիթոնը ավարտվեց, եւ բոլորի անունից շնորհավորում եմ հաղթողներին։ Թեեւ սա այն դեպքն է, երբ կարելի է շնորհավորել նաեւ մասնակիցներին, քանի որ Դիջիթոնը պարզապես մրցույթ չէ՝ սա հանդիպելու, հետաքրքիր ժամանակ անցկացնել եւ նոր բաներ սովորելու լավ առիթ է։ Վստահ եմ, որ ոչ ֆորմալ մթնոլորտում տարբեր երկրներից գործընկերների հետ շփումը բոլորի համար օգտակար էր։ Իսկ ինչ վերաբերում է մրցումների ժամանակ առաջացած գաղափարներին, ապա կարծում եմ, դրանցից եւ ոչ մեկը չի կորչի»,- ասել է Հայաստանում Beeline-ի գլխավոր տնօրեն Անդրեյ Պյատախինը: