Beeline-ը կորպորատիվ հաճախորդների համար նոր փաթեթներ է գործարկել

Beeline-ը հայտարարում է կորպորատիվ հաճախորդների համար «Սմարթ բիզնես» եւ «Սմարթ բիզնես+» սակագնային փաթեթների գործարկման մասին:

Ընկերությունում նշել են, որ փաթեթները հասանելի են կանխավճարային եւ հետվճարային սակագնային փաթեթների բաժանորդներին: 

Սակագնային փաթեթների շրջանակում փակ խմբում ելքային զանգի մեկ րոպի արժեքն է 3 դրամ, դեպի Beeline բջջային եւ ֆիքսված ցանցեր կատարվող զանգերը` 18 դրամ, իսկ ելքային զանգերը դեպի ՀՀ եւ ԼՂՀ այլ բջջային եւ ֆիքսված ցանցեր տարիֆիկացվում է 35 դրամ սակագնով:   

«Սմարթ բիզնես» եւ «Սմարթ բիզնես+» սակագնային փաթեթների բաժանորդներն ամսական 350 դրամ կամ օրական 12 դրամ լրացուցիչ բաժանորդային վճարի դիմաց կարող են անվճար խոսել փակ խմբի ներսում` միացման համար վճարելով 5 դրամ (անկախ խոսակցության տեւողությունից):

«Beeline-ը շարունակում է կատարելագործել սակագնային առաջարկները` դարձնելով դրանք ավելի հարմար եւ հասանելի: Նոր սակագնային փաթեթներն ուղղված են կորպորատիվ սեգմենտին եւ առաջարկում են հեռահաղորդակցության բոլոր ծառայությունների շահավետ սակագներ մեր գործընկերների եւ բիզնեսի համար»,- ասել է Հայաստանում Beeline-ի գլխավոր տնօրեն Անդրեյ Պյատախինը։