12:02 | 02.12.13 | Նորություններ | 2347
Սկոլկովոյի Ստարտափ ակադեմիայի տնօրենը նշել է ստարտափների հիմնական սխալները
Մոսկովյան Սկոլկովո կառավարման դպրոցի Ստարտափ ակադեմիայի տնօրեն Լորենս Ռայթը Երեւանում կայացած ArmNet-2013 համաժողովի շրջանակներում պատմել է ստարտափների հիմնական սխալների մասին:
Նրա կարծիքով, այդ սխալները հետեւյալն են.
- Ավելորդ կենտրոնացում ապրանքատեսակի վրա,
- Կարծիք, որ ստարտափին անհրաժեշտ է միայն գումար,
- Խորհուրդների անտեսում,
- Պատկերացման բացակայություն, թե ինչպես է գնորդը կատարում իր գնումը,
- «Լավ կլիներ ունենալ» (nice to have) եւ «պետք է ունենալ» (must have) հասկացությունների միջեւ տարբերությունը չհասկանալը,
- Ինչպես թիմ կազմել չպատկերացնելը
- Ինչպես վաճառել չպատկերացնելը
- Ներդրողի հետ բանակցությունների նրբություններին չտիրապետելը,
- Ոչ իրատեսական թվերը:
Լորենս Ռայթն ընդգծել է, որ ստարտափների 99%-ը չի հանդիսանում բացարձակ նոր գաղափար, եւ «որքան շատ սխալներ են թույլ տալիս ստարտափները, այնքան հաջող են դառնում արդյունքում»:
Ներկայացնելով Սկոլկովո կառավարման դպրոցի Ստարտափ ակադեմիայի առաջին տարվա գործունեության արդյունքները` Լորենս Ռայթը նշել է, որ այդ ժամանակահատվածում ստեղծվել է 67 ստարտափ (190 աշխատատեղ)` ավելի քան $35 մլն ընդհանուր արժողությամբ եւ $4 մլն ներդրումների ներգրավմամբ:
