Orange Armenia ընկերության գլխավոր տնօրեն Ֆրանսիս Ժելիբտերը
photo ©

Orange-ն իր ամենահավատարիմ բաժանորդների համար նոր ծրագիր է մեկնարկում

Երեւան/Մեդիամաքս/. Orange Armenia ընկերությունը մեկնարկում է OrangePremier ծրագիրը, որի նպատակն է բացառիկ ուշադրության արժանացնել ընկերության ամենահավատարիմ բաժանորդներին, ովքեր ավելի քան 12 ամիս եղել են Orange-ի բաժանորդ եւ ակտիվորեն օգտվել են ընկերության ձայնային ծառայություններից:

Ինչպես հայտնել է Orange Armenia ընկերության գլխավոր տնօրեն Ֆրանսիս Ժելիբտերը, ծրագրին հնարավորություն կունենան մասնակցել միայն Orange-ի կողմից ընտրված բաժանորդները, որոնք կպարգեւատրվեն եւ նրանց հատուկ մոտեցում կցուցաբերվի:

Orange-ի մարքեթինգի տնօրեն Արամ Մկրտչյանը պարզաբանել է, որ Orange Premier-ի բաժանորդները ընկերության ցանկացած խանութում հեռախոս կամ սմարթֆոն գնելիս, կստանան ավելի երկար սպասարկում՝ 18-ից մինչեւ 24 ամիս: Բացի այդ, նրանք կվայելեն անհատական սպասարկում ու հնարավորություն կունենան նախապես տեղեկանալու ընկերության լավագույն առաջարկների մասին:

Արամ Մկրտչյանը նշել է, որ Orange Premier-ի բաժանորդները հնարավորություն կունենան օգտվելու նաեւ Orange-ի գործընկեր կազմակերպությունների, մասնավորապես՝ Austrian Airlines-ի, Արթուրս Աղվերան Ռեզորտ-ի, Orange Ֆիթնես-ի եւ ժամանցի, առեւտրի ու հանգստի ոլորտի այլ կազմակերպությունների բացառիկ առաջարկներից:

Բաժանորդների այդ բազան կվերանայվի 6 ամիսը մեկ: Այս պահին ցանկում ընդգրկված է մոտ 5000 բաժանորդ: