Orange-ն աջակցություն ցուցաբերեց ամենամյա հեռախոսամարաթոնին Եվրոպայում

Երեւան/Մեդիամաքս/. Ինչպես ամեն տարի 2000 թվականից ի վեր, այս տարի նույնպես Orange-ն իր աջակցությունը ցուցաբերեց «Հայաստան» համահայկական հիմնադրամի`  Ֆրանսիայում անցկացվող համաեվրոպական հեռախոսամարաթոնին` լինելով Ֆրանսիայում Հիմնադրամի «Հեռախոսամարաթոն 2010» ծրագրի պաշտոնական գործընկերն ու հովանավորը:

Փարիզ, Լիոն, Մարսել, Նիցցա եւ Մոնպելյե քաղաքներում տեղակայված Orange-ի սպասարկման կենտրոնների տարածքը, սարքավորումներն ու հեռախոսակապը տրամադրվել էր մարաթոնի կարիքներին:

Դրամահավաք միջոցառումը հանգանակեց շուրջ 1 միլիոն 300 000 եվրո: