Առաջիկա շաբաթներին «ՎիվաՍել-ՄՏՍ»-ը կվերանայի ինտերնետի սակագները

Երեւան /Մեդիամաքս/. «ՎիվաՍել-ՄՏՍ»-ը պատրաստվում է արձագանքել մեծածախ ինտերնետի շուկայում տեղի ունեցող փոփոխությանը:

Ինչպես հաղորդում է ՄԵԴԻԱՄԱՔՍ գործակալությունը, այդ մասին ասել է ընկերության ղեկավար Ռալֆ Յիրիկյանը` պատասխանելով www.Itel.am կայքի իր բլոգի այցելուների հարցերին:

«Մեր ընկերությունը պատրաստվում է արձագանքել մեծածախ ինտերնետի շուկայում տեղի ունեցող փոփոխությանը եւ վերանայել մանրածախ ինտերնետի սակագները անլար ինտերնետի եւ բջջային ինտերնետի համար: Իր որոշման վերաբերյալ ընկերությունը կտեղեկացնի առաջիկա շաբաթներին», - ասել է Ռալֆ Յիրիկյանը: