09:27 | 18.01.10 | Նորություններ | 2179

Վարչապետը բացել է իր բլոգը անմիջական շփման հնարավորություն ունենալու համար

Երեւան /Մեդիամաքս/. Հայաստանի վարչապետ Տիգրան Սարգսյանը բացել իր բլոգը http://tigransargsyan.livejournal.com հասցեով:

Ինչպես հաղորդում է ՄԵԴԻԱՄԱՔՍ-ը, առայժմ բլոգում տեղադրված է մեկ գրառում, որն արվել է հունվարի 14-ին: Դրանում, մասնավորապես, ասված է.

«Անկեղծ ասած` ինձ համար կարևոր է, որ դուք հասկանաք, թե ինչպես եմ մտածում:
Մեր երկխոսության մեջ մամուլը հաճախ պարտադրում է իր կարծիքը` զրկելով մեզ անմիջական շփման հնարավորությունից: Ես գտնում եմ, որ լավ կլինի ձեզ հետ ուղղակիորեն հաղորդակցվելու հնարավորություն ունենալ: Այդ պատճառով էլ ստեղծել եմ այս տարածությունը, որտեղ ես կներկայացնեմ իմ խոհերն ու գաղափարները, որտեղ իմ խոսքերի և գործողությունների վերաբերյալ դատողությունները կբխեն ուղղակիորեն ձեզնից:

Կարծում եմ` շատ կարևոր է այն իրողության գիտակցումը, որ աշխարհի մասին մեր գիտելիքներն ու պատկերացումները հնանում են: Մարդիկ, որոնց հետ ես աշխատում եմ, փոխվում են, փոխվում են պահանջներն ու սպասելիքները:

Իմ սպասելիքները` ձեզնից, ձերը` ինձնից:

Ես ձեզ հարցեր ունեմ: Դուք էլ, համոզված եմ, ինձ:

Ենթադրում եմ` մենք փոխադարձ ուշադրության պահանջ ունենք, դա նշանակում է, որ մեր շփումը հետաքրքիր է լինելու»: