14:16 | 01.04.09 | Նորություններ | 3430
Նեյչո Վելիչկովը թողնում է “ԱրմենՏելի” գլխավոր տնօրենի պաշտոնը
Երեւան /Մեդիամաքս/. Նեյչո Վելիչկովը ապրիլի 2-ից կթողնի “ԱրմենՏել” ընկերության գլխավոր տնօրենի պաշտոնը:
Ինչպես այսօր ՄԵԴԻԱՄԱՔՍ գործակալությանը հայտնել է “ԱրմենՏելի” մամլո քարտուղար Անուշ Բեղլոյանը, “Նեյչո Վելիչկովի որոշումը պայմանավորված է ընտանեկան հանգամանքներով”:
Մինչ նոր գլխավոր տնօրենի նշանակումը ընկերության ղեկավարի պաշտոնակատար է նշանակվել “ԱրմենՏելի” ֆինանսական տնօրեն Կարեն Շահնազարյանը:
Անուշ Բեղլոյանը նշել է, որ Նեյչո Վելիչկովի պաշտոնավարման ընթացքում “գործարկվել է երրորդ սերնդի ցանցը, ներդրվել են համակցված ապրանքատեսակներ, կատարելագործվել են մարքեթինգային գործիքները, օպտիմալացվել են բիզնես գործընթացները”: “Նեյչո Վելիչկովի ղեկավարության ներքո ընկերությունը պահպանեց իր շահույթը բարձր մակարդակում` չնայած բարդ տնտեսական իրադրությանը”,- նշել է Անուշ Բեղլոյանը:
