Հայաստանյան և արտերկրի բուհերի ու հետազոտական ինստիտուտների ասպիրանտները կարող են դիմել Ասպիրանտների աջակցության 2022 թվականի ծրագրին:
10 ասպիրանտներ իրենց հետազոտական ծրագրերն իրականացնելու համար մեկ տարվա ընթացքում կստանան ամսական շուրջ 360,000 ՀՀ դրամի չափով ֆինանսավորում։
Հայտերի ներկայացման վերջնաժամկետը հունիսի 15-ն է։ Հետաքրքրված թեկնածուները պետք է լրացնեն առցանց հայտադիմումը այստեղ։
Ասպիրանտների աջակցության ծրագրին կարող են դիմել ասպիրանտներ, որոնց հետազոտական և գիտական նախագծերն առնչվում են հետևյալ ոլորտներին․
• նյութագիտություն, կայուն նյութեր, մագնիսական հատկություններով նյութեր,
• այլընտրանքային էներգիայի ոչ-էլեկտրոնային աղբյուրներ,
• ջերմային ու ջերմահաղորդիչ տեխնոլոգիաներ,
• նեյրոգիտություն, սենսորային փորձառություն, սենսորային տեխնոլոգիաներ,
• աերոզոլային գիտություն և տեխնոլոգիաներ,
• բուսաբանություն և ագրոնոմիա,
• թունաբանական մեթոդաբանություն,
• կիրառական ու փորձարարական ֆիզիկա,
• արդյունաբերական և համակարգային ինժեներիա, էլեկտրոնային ինժեներիա, նախատիպավորում,
• մաթեմատիկա, մաթեմատիկական մոդելավորում, տվյալագիտություն,
• վերլուծական քիմիա:
2018թ-ից 12 համալսարանների և հետազոտական ինստիտուտների 40 ասպիրանտներ արդեն ներգրավվել են ծրագրում՝ գրանցելով հսկայական առաջընթաց իրենց հետազոտություններում։
Ծրագիրն իրականցվում է «Ձեռնարկությունների ինկուբատոր» հիմնադրամի կողմից՝ PMI Science-ի աջակցությամբ։
