Der Spiegel. «Մերկելը առաջ է տանում հայկական կրթական ռազմավարությունը»

Der Spiegel-ը գրում է, որ «Գերմանիայի կանցլեր Անգելա Մերկելը առաջ է տանում հայկական կրթական ռազմավարությունը որպես մոդել գերմանացի դպրոցականների համար»:

Արդեն հայտնել էինք, որ հունիսի 17-ին Անգելա Մերկելը վիրտուալ շրջայց էր կատարել 2020 թվականին բացված Tumo Berlin կենտրոնում։



Der Spiegel-ը նշում է, որ կանցլերը հանդես է եկել Գերմանիայի ողջ տարածքում երեխաների եւ երիտասարդների համար տեղեկատվական տեխնոլոգիաների ուսուցման կենտրոնների ստեղծման օգտին եւ այդ նպատակով համագործակցելու կոչ է արել Գերմանիայի դաշնային կառավարությանը, դաշնային երկրներին, քաղաքապետարաններին եւ հովանավորներին:

Կրթության նախարար Անյա Կառլիչեկն ասել է, որ այդ հաստատությունները պետք է «սարդոստայնի նման» տարածվեն ամբողջ Գերմանիայում եւ աշխատեն MINT կլաստերներում:

Անգելա Մերկելը Երեւանի «Թումո» կենտրոնի հետ ծանոթացել էր 2018 թվականին։