Հայաստանում հիմնադրված Krisp ստարտափը $9 մլն ներդրում է ստացել:
TechCrunch-ի փոխանցմամբ, ներդրումային շրջափուլի ամբողջական արժեքը կազմել է $14 մլն: Նախորդ տարվա օգոստոսին ընկերությունը $5 մլն էր ներգրավել:
Krisp-ն արհեստական բանականության լուծման օգնությամբ իրական ժամանակում ձայնը մաքրում է կողմնակի աղմուկից: Ընկերության հիմնադիր Դավիթ Բաղդասարյանի խոսքով, 2020թ. Krisp-ի ակտիվ օգտագործողների թիվը 20 անգամ աճել է՝ կապված համավարակի արդյունքում ստեղծված իրավիճակի հետ:
Ներկայում Krisp-ն ունի շուրջ 1200 կորպորատիվ հաճախորդներ, որոնց թվում են Githun, Zapier, Discord, Intel ընկերությունները:
Ընկերությունն այս պահին Հայաստանում 25 հոգանոց թիմ ունի: Մինչեւ տարեվերջ, Դավիթ Բաղդասարյանի խոսքով, Krisp-ը ծրագրում է Հայաստանում մինչեւ 45 աշխատակից ունենալ:
17:23 | 16.02.21 |
Նորություններ
ԵՊՀ-ում «Coca-Cola Video Games Lab» կստեղծվի
