16:50 | 16.12.20 | Նորություններ | 4296

Հայտնի է դարձել iPhone 12 շարքի ամենավատ վաճառվող մոդելը

Հոկտեմբերին Apple-ը ներկայացրեց 5G ցանցով աշխատող 4 մոդելներով iPhone 12 շարքը՝ iPhone 12 mini, iPhone 12, iPhone 12 Pro եւ iPhone 12 Pro Max:

Օրերս հայտնի է դարձել, թե ներկայացված մոդելներից որն է շուկայում ամենաքիչ պահանջարկ վայելողը:


Wave7 Research հետազոտական կենտրոնի հրապարակած զեկույցի համաձայն, շարքի ամենավատ վաճառվող մոդելը iPhone 12 mini-ն է, որի վաճառքի ցուցանիշը 4-5% է:

iPhone 12 մոդելը, որը շուրջ $100-ով թանկ է iPhone 12 mini-ից, ամենալավ վաճառվողն է՝ վաճառքի ցուցանիշը կազմում է 24-33%:
 

Զեկույցը հիմնված է ԱՄՆ կապի երեք խոշորագույն օպերատորների տրամադրած տվյալների հիման վրա: