Ucom-ում կգործի 0 դրամ/րոպե հատուկ սակագին՝ Արցախից եւ դեպի Արցախ զանգելու համար

Ռազմական իրավիճակով պայմանավորված, Արցախում ռոմինգին միանալիս հոկտեմբերի 21-ից ժամը 18։00-ից կգործի 0 դրամ/րոպե հատուկ սակագինը մուտքային, դեպի Ucom, ինչպես նաեւ տեղական զանգերի համար։

Ավելին, ֆիզիկական անձանց համար Հայաստանից դեպի Արցախ զանգերի եւ կարճ հաղորդագրությունների համար նույնպես կգործի 0 դրամ հատուկ սակագինը։

Նշենք, որ Արցախում Ucom հեռախոսահամարից օգտվելու համար մինչեւ Հայաստանից մեկնելն անհրաժեշտ է ակտիվացնել ռոմինգ ծառայությունը: Ծառայությունն ակտիվացնելու կամ ապաակտիվացնելու համար անհրաժեշտ է հավաքել *121# եւ հետեւել հեռախոսի էկրանին հայտնված հրահանգներին: Ռոմինգի ակտիվացումն անվճար է:

Հիշեցնենք, որ Արցախում ինտերնետից օգտվելու ժամանակ Ucom-ի բաժանորդները յուրաքանչյուր ՄԲ համար վճարում են 17 դրամ։