TikTok-ի սեփականատեր, չինական Bytedance ընկերությունը դատի է տվել ԱՄՆ նախագահ Դոնալդ Թրամփի աշխատակազմին:
Bytedance-ում կարծում են, որ ընկերության դեմ պատժամիջոցները քաղաքական երանգ են կրում:
Հայցը ներկայացվել է Կալիֆոռնիայի դաշնային դատարան: Դրանում նշվում է, որ ԱՄՆ իշխանությունները չեն ներկայացրել փաստեր առ այն, որ TikTok-ը սպառնալիք է ԱՄՆ ազգային անվտանգության համար:
Հիշեցնենք, որ Թրամփը մեղադրում է TikTok-ին՝ Չինաստանի հատուկ ծառայությունների հետ համագործակցելու մեջ: TikTok-ն, իր հերթին, նշում է, որ ամերիկացի օգտատերերի տվյալները պահպանում է ոչ թե Չինաստանում, այլ Սինգապուրում գտնվող սերվերներում:
TikTok-ն ԱՄՆ տարածքում ունի ավելի քան 100 մլն օգտատեր, 1500 աշխատակից: Ընկերությունը մտադիր է առաջիկայում շուրջ 10 հազ. նոր աշխատատեղ ավելացնել:
Ընկերության ղեկավար մի շարք պաշտոններում այս պահին ամերիկացիներ են:
Հիշեցնենք, որ Թրամփը TikTok-ին 90 օր ժամանակ էր տվել, որպեսզի վերջինս կամ վաճառեր հավելվածը ամերիկյան ընկերության, կամ հրաժարվեր ԱՄՆ-ում գործելու մտադրությունից: Եթե ընկերությունը չդադարեցնի գործունեությունը մինչեւ նոյեմբերի 12-ը, այն կարող է արգելափակվել:
11:07 | 25.08.20 |
Նորություններ
Սեւանում Փեյնթբոլի մրցաշարը կմիավորի Ինժեներական եւ ՏՏ ընկերությունների թիմերին
17:29 | 24.08.20 |
Նորություններ
Հայտնի է iPhone 12-ի մոտավոր արժեքը
