Կորոնավիրուսի համավարակը բացասական ազդեցություն է թողել նաեւ սմարթֆոնների համաշխարհային շուկայի վրա, ինչի արդյունքում զգալիորեն նվազել են վաճառքի ծավալները, առաջացել են խնդիրներ արտադրական շղթայի տարբեր օղակներում:
Gartner վերլուծական գործակալության հրապարակած զեկույցի համաձայն, այս տարվա առաջին եռամսյակում աշխարհում վաճառվել է 20,2%-ով ավելի քիչ սմարթֆոն, քան նախորդ տարվա նույն ժամանակահատվածում:
Վաճառքների անկում են արձանագրել սմարթֆոնների արտադրությամբ զբաղվող չորս առաջատար ընկերությունները՝ Samsung-ը (22,7%), Huawei-ը (27,3%), Oppo-ն (19,1%), Apple-ը (8,2%):
Նշվում է, որ միակ ընկերությունը, որն անկում չի գրանցել եւ անգամ կարողացել է 1,4% աճ գրանցել՝ Xiaomi-ն է. պատճառը ընկերության առաջարկած սմարթֆոնների էժան մոդելներն են:
Gartner-ի վերլուծաբան Աննեթ Ցիմմերմանի խոսքով, եթե չլիներ կորոնավիրուսի համավարակը, ապա, օրինակ, iPhone 11-ի վաճառքները ռեկորդային աճ կգրանցեին:
11:53 | 02.06.20 |
Նորություններ
Հայկական ստարտափները՝ EMERGE առցանց կոնֆերանսի մասնակից
10:53 | 02.06.20 |
Նորություններ
Երեխաների համար նախագահական կայք է գործարկվել
