17:59 | 22.04.20 | Նորություններ | 2220

Gmoji-ն կօգնի առանց տանից դուրս գալու անվանական ծաղիկ ուղարկել Ծիծեռնակաբերդի հուշահամալիր

«Ջիմոջի ԷյԷմ» Հայաստան ընկերությունը այս օրերին հանդես է գալիս հերթական նորարարական ձեւաչափով` ընձեռելով բաժանորդներին նոր հնարավորություններ:

Ընկերությունն առաջարկում եւ ստեղծում է հնարավորություն առանց տանից դուրս գալու հարգանքի տուրք մատուցել Մեծ եղեռնի զոհերի հիշատակին, ուղարկել անվանական ծաղիկ անմիջապես Ծիծեռնակաբերդի հուշահամալիր:

Սմարթֆոն ունեցող բոլոր բաժանորդները կարող են ներբեռնել Gmoji հավելվածը, ծրագրի ապրանքացանկից ընտրել անվանական ծաղիկ եւ մեկ հպումով այն ուղարկել Ծիծեռնակաբերդի հուշահամալիր: Ընկերության գործընկերները ստանալով պատվերը, կզանգահարեն եւ կճշտեն պատվիրատուի անուն ազգանունը եւ պատվերը առաքելու ցանկալի ժամը:

Ինչպես նշում է Gmoji ընկերության տնօրեն Լեւոն Ֆրանգուլյանը, Gmoji թվային հարթակը կարող է օգտագործվել տարբեր առիթներով՝ հեշտացնելով թվային ապրանքների ձեռք բերման եւ առաքման գործընթացը, հատկապես այս օրերին, երբ մարդկանց տեղաշարժման իրավունքը սահմանափակ է:

Վեոն Արմենիա ընկերությունը, որը հանդես է գալիս Beeline ապրանքանիշով աջակցում է ակցիայի իրականացմանը եւ խրախուսում է հետաքրքիր եւ նորարարական ծառայությունները:

Հիշեցնենք, որ Gmoji-ն էլեկտրոնային հարթակ է, որը թույլ է տալիս ուղարկել սթիքերների տեսքով իրական նվերներ էլեկտրոնային կապի բոլոր միջոցներով՝ մեսենջերներ, սոցիալական ցանցեր, SMS հաղորդագրություններ եւ էլ. փոստ:

Ցանկացած ապրանք թվայնացվում եւ տեղադրվում է հավելվածի ապրանքացանկում, որտեղ օգտատերերը կարող են մեկ հպումով ձեռք բերել ապրանքը իրենց համար կամ ուղարկեն որպես նվեր: 

«Ջիմոջի ԷյԷմ» ՍՊԸ-ն ստեղծվել է 1 տարի առաջ եւ դասվում է այն ընկերությունների շարքին, որոնց հիմնադիրն է գործարար Արա Յաղջյանը: Ընկերությունը ձեռք է բերել ծառայության եւ ապրանքային նշանի օգտագործման բոլոր իրավունքները, ինչպես նաեւ տեղայնացրել է հավելվածը, հաշվի առնելով տեղական շուկայի բոլոր առանձնահատկությունները: Հայաստանը ԱՊՀ առաջին եւ աշխարհում երրորդ երկիրն է, որը դարձել է Gmoji ընտանիքի անդամ:

Gmoji հավելվածը հասանելի է App Store-ում եւ Google Play-ում: