Robin ռոբոտը՝ Product Hunt հարթակի օրվա առաջատար

Expper Technologies ընկերության կողմից ստեղծված Robin սոցիալական ռոբոտը Product Hunt հարթակում քվեարկության արդյունքում օրվա պրոդուկտ է ճանաչվել:

Product Hunt-ը տեխնոլոգիական լուծումների ներկայացման հարթակ է, որը հնարավորություն է տալիս բացահայտել եւ տարածել նորանոր պրոդուկտներ: Քվեարկության ընթացքում ամենաշատ ձայներ ստացած պրոդուկտները հայտնվում են ամենօրյա թոփ ցուցակում:

11:27 | 04.02.20 |

Robin ռոբոտը՝ ապաքինման փուլում երեխաների օգնական

Նշենք, որ հարթակում Robin-ի օգտին քվեարկելու կոչով էր հանդես եկել նաեւ Reddit հարթակի եւ Initialized Capital վենչուրային ընկերության համահիմնադիր Ալեքսիս Օհանյանը:

Made in Armenia!

Robin the Robot: Helps children beat loneliness and isolation in hospitals https://t.co/YqOZwr8SMj via @chrismessina pic.twitter.com/QMTFtTbaXy

— Alexis Ohanian Sr. (@alexisohanian) February 25, 2020

Robin-ը՝ որպես արհեստական բանականության տեխնոլոգիայով աշխատող ռոբոտ, կարող է ստեղծել եւ տարածել զգացմունքներ՝ մարդկանց հետ հաղորդակցվելու ընթացքում:

Ռոբոտը, որը ներկայում թեստավորման փուլում է մի շարք հիվանդանոցներում, իր յուրահատուկ մոտեցման շնորհիվ օգնում է բուժում ստացող երեխաներին դուրս գալ դեպրեսիվ վիճակից եւ դառնալ առավել հաղորդակցվող, ինչի արդյունքում հեշտանում է բժշկական անձնակազմի աշխատանքը: