Նոյեմբերի 23-ին Երեւանում տեղի կունենա կիբեռանվտանգությանը նվիրված ArmSec ամենամյա կոնֆերանսը։
Համաժողովի շրջանակում ելույթ կունենան Հայաստանի կիբեռանվտանգության եւ հարակից ոլորտների առաջատար մասնագետները։
Կոնֆերանսի ընթացքում նախատեսվում է կազմակերպել թեմատիկ զեկույցներ եւ քննարկումներ, որոնք կիբեռանվտանգության տեսանկյունից արդիական են աշխարհում եւ, մասնավորապես, Հայաստանում։
Կազմակերպիչների խոսքով, կոնֆերանսի նպատակներից է նաեւ տեղեկատվական անվտանգությամբ զբաղվող մասնագետների համայնքի ամրապնդումը։
ArmSec կոնֆերանսի կազմակերպիչներն են ArmSec հիմնադրամը, OWASP Armenia թիմը։ Կազմակերպիչների թիմը բաց է տարբեր ձեւաչափերում համագործակցության համար: Մանրամասները հասանելի են այստեղ:
