Ապրիլի 26-ից 28-ը Հայաստանում ֆրանսիական համալսարանում կկայանա ձեռներեցությունը խթանելուն ու ուսանողների քաջալերմանը նվիրված Startup Boost Weekend 54-ժամյա մրցույթը:
Մրցույթը կազմակերպվում է տեխնիկական եւ ոչ տեխնիկական կրթություն ունեցող ուսանողների շրջանում բարձր մակարդակի պրակտիկ հմտություններ ձեւավորելու նպատակով: Կարող են դիմել ծրագրավորողները, դիզայներները, մարքեթոլոգները եւ այլ մասնագետներ:
Հետաքրքրված ուսանողները կարող են մինչեւ ապրիլի 15-ը գրանցվել Breedge հարթակով, որը Startup Boost Weekend-ի նախորդ հաղթողներից է:
Հաղթող թիմերը կարժանանան մրցանակների:
Startup Boost Weekend Vol5-ը կազմակերպում է Catalyst հիմնադրամը՝ համագործակցելով Հայաստանի ազգային ճարտարագիտական լաբորատորիաների հետ:
Մրցույթն իրականացվում է Եվրոպական միության եւ Գերմանիայի Դաշնային Հանրապետության տնտեսական համագործակցության եւ զարգացման նախարարության (BMZ) կողմից համաֆինանսավորվող եւ Գերմանիայի միջազգային համագործակցության ընկերության (GIZ) աջակցությամբ իրականացվող «Աջակցություն ՓՄՁ զարգացմանը Հայաստանում» (EU-SMEDA) ծրագրի շրջանակում։
«Աջակցություն ՓՄՁ զարգացմանը Հայաստանում» (SMEDA) ծրագիրը Եվրոպական Միության EU4Business եւ EU4Innovation նախաձեռնությունների մաս է:
18:03 | 08.04.19 |
Նորություններ
ԳԱԿ-ը եւ Beeline-ը Դիլիջանի արվեստի փառատոնի շրջանակում ներկայացրել են «Արվեստանոց» ցուցադրությունը
17:34 | 08.04.19 |
Նորություններ
PicsArt-ին դատի են տվել
