Դեկտեմբերի 17-ից 21-ը UWC Դիլիջան քոլեջում կմեկնարկի Սփյուռքի երիտասարդների «ՆերՈւժ» ստարտափ ծրագիրը:
Ծրագրին մասնակցում է 70 ստարտափ, որոնցից 50-ը՝ Սփյուռքից:
Քառօրյա միջոցառման նպատակն է հայազգի երիտասարդ ձեռներեցների համար Հայաստանում բիզնեսով զբաղվելու հարթակ եւ հնարավորություններ ստեղծումը: Ծրագրի թիրախային ոլորտներն են գյուղատնտեսությունը, զբոսաշրջությունը, նորարարական տեխնոլոգիաները:
Դեկտեմբերի 16-ին՝ ժամը 19:00-ին, Երեւանի քաղաքապետարանում տեղի կունենա ծրագրի մեկնարկը: Բացման խոսքով հանդես կգան ՀՀ փոխվարչապետ պաշտոնակատար Տիգրան Ավինյանը, սփյուռքի նախարար պաշտոնակատար Մխիթար Հայրապետյանը, IDeA հիմնադրամի տնօրեն Րաֆֆի Բաղջյանը եւ Հայաստանի գիտության եւ տեխնոլոգիաների հիմնադրամի (FAST) հիմնադիր տնօրեն Արմեն Օրուջյանը:
«ՆերՈւժ» ինտերակտիվ ստարտափ ծրագիրը նախատեսված է սփյուռքի 18-ից 35 տարեկան հայազգի երիտասարդ ձեռներեցների համար: Այն հնարավորություն է բիզնես ոլորտի գիտելիքների հարստացման, գործընկերային կապերի ընդլայնման, ինչպես նաեւ մեկնարկային ծրագրեր ներկայացնելու, ֆինանսավորում ստանալու եւ դրանք իրագործելու համար:
«Հայկական Կարիտաս» բարեսիրական ՀԿ-ի հետ համագործակցության շնորհիվ` ծրագրին դիմել են նաեւ հայաստանաբնակ երիտասարդները։
15:15 | 14.12.18 |
Նորություններ
Ուրսուլա Բերնսը նշանակվել է ՎԵՈՆ խմբի գլխավոր տնօրեն
13:57 | 14.12.18 |
Նորություններ
Apple-ը մաքրել է Shazam-ը գովազդից
