12:34 | 10.05.16 | Նորություններ | 4067
Ucom-ի աջակցությամբ 2500 հոգի ստացել է անվճար ակնաբուժական ծառայություն
Ucom ընկերության եւ Հայկական ակնաբուժության նախագծի (ՀԱՆ) համատեղ «Լույս հայի աչքերին» ծրագրի շրջանակներում ավելի քան 2500 հոգի ստացել է անվճար ակնաբուժական ծառայություն:
Ինչպես հայտնել են Ucom-ում, Արարատի մարզի Մասիսի եւ Արտաշատի շրջաններում տեսողության ստուգում է անցել ավելի քան 2500 հոգի:
«Որպես ընկերություն եւ որպես հայ մարդ՝ մենք միշտ պատրաստ ենք աջակից լինել նման կարեւոր գործին: Կարծում եմ՝ սա ազգանվեր գործ է: Սա շատ լուսավոր նախագիծ է, որ ներշնչում է հույս ու հավատ: Այս նախագիծն ունի ճիշտ անվանում՝ «Լույս հայի աչքերին»: Սակայն սա դեռ սկիզբն է, դեռ առջեւում են եւս մի քանի մարզեր, դեռ բազմաթիվ մարդիկ կվերգտնեն իրենց աչքի լույսը»,- ասել է Ucom ընկերության տնօրեն Հայկ Եսայանը:
Արարատի մարզում աշխատանքները կշարունակվեն մինչեւ մայիսի վերջ, որից հետո ծրագիրը կշարունակվի Վայոց Ձորում:
12:07 | 10.05.16 |
Նորություններ
ՄԻԿ Հայաստանը ընդունում է հայտեր նոր աքսելերացիոն ծրագրի համար
