ՎիվաՍել-ՄՏՍ-ը գործարկել է «Ինտերնետ+համակարգիչ» տարածաշրջանային ծրագիրը Հայաստանի մարզերի համար

Երեւան/Մեդիամաքս/. ՎիվաՍել-ՄՏՍ-ը «PC էլեկտրոնիքս»-ի, ԱԿԲԱ-Կրեդիտ Ագրիկոլ Բանկի եւ Հայաստանում Մայքրոսոֆթ կորպորացիայի ներկայացուցչության հետ համագործակցությամբ ներկայացրել է նոր` «Ինտերնետ+համակարգիչ» լայնածավալ նախագծի մեկնարկը, որի նպատակն է Հայաստանի մարզերին տրամադրել մատչելի ինտերնետ կապ եւ դրանից օգտվելու համար` սարքերի լայն ընտրանի:

«Ինտերնետ+համակարգիչ» ծրագիրը մեկնարկել է Տավուշի մարզի սահմանամերձ գյուղերից մեկում` Այգեձորում: Ծրագիրը կարեւոր է ոչ միայն կոմերցիոն առումով, այլեւ ռազմավարական, կրթական եւ սոցիալական տեսանկյունից, քանի որ հատկապես սահմանամերձ գյուղերում չի կարելի գերագնահատել հուսալի ինտերնետային կապի առկայության կարեւորությունը:

Շնորհիվ «ինտերնետ+համակարգիչ» ծրագրի, գյուղական համայնքների բնակիչները հնարավորություն կունենան ապառիկ ձեռք բերելու նոութբուք, համակարգիչ  կամ նեթբուք, եթե բաժանորդագրվեն ՎիվաՍել-ՄՏՍ-ի «ՄՏՍ կոնեկտ ուսանողական», «ՄՏՍ կոնեկտ անսահմանափակ» կամ «ՄՏՍ կոնեկտ անսահմանափակ+» սակագնային պլաններից որեւէ մեկին: Բոլոր սարքերում Մայքրոսոֆթն անվճար տեղադրում է լիցենզավորված ծրագրային փաթեթ: Բաժանորդները հնարավորություն կունենան ստանալ ստորեւ նշված սարքերը` առաջին 2 ամիսների ընթացքում ազատվելով վճարելու անհրաժեշտությունից: Վարկի ժամկետը 24 ամիս է եւ ենթադրում է 22 մարում, իսկ պայմանագրի առաջին 60 օրվա ընթացքում ինտերնետ կապը կտրամադրվի անվճար:

Ստորեւ նշված աղյուսակը ներկայացնում է հաճախորդի համընդհանուր ամսական վճարը` ներառյալ ապառիկ գնման պայմանները եւ ինտերնետային սակագնային պլանի ամսական վճարը:

ՄՏՍ կոնեկտ ուսանողական    ՄՏՍ կոնեկտ անսահմանափակ    ՄՏՍ կոնեկտ անսահմանափակ+