OpenAI-ը ներկայացրել է o1 լեզվի մոդելի նախնական տարբերակը, որը հարմարեցված է հիմնավորում պահանջող առաջադրանքների համար։
Ընկերությունն ասել է, որ AI-ի մոդելներն իր նոր շարքում ավելի շատ ժամանակ են ծախսում պատասխանի մասին մտածելով՝ նախքան այն օգտատիրոջը տալը։ Նրանց սովորեցնում են «հղկել իրենց մտքի գործընթացը, փորձել տարբեր ռազմավարություններ եւ ճանաչել սեփական սխալները»:
Ֆիզիկայի, քիմիայի եւ կենսաբանության թեստերում մոդելները պատասխանել են ասպիրանտների մակարդակով։ Միջազգային մաթեմատիկական օլիմպիադայի (IMO) ընտրական փուլում GPT-4o-ը ճիշտ է լուծել առաջադրանքների 13%-ը, իսկ նոր մոդելը՝ 83%-ը։
OpenAI-ը նախազգուշացրել է, որ GPT-4o-ն ավելի արդյունավետ է լուծում հիմնական հարցումները, քանի որ ավելի «ընդարձակ գիտելիքներ ունի աշխարհի մասին»:
Ավելի լավ է դիմել նոր մոդելին բարդ խնդիրների դեպքում։ Օրինակ՝ o1-ով ֆիզիկոսները կարող են բանաձեւեր ստանալ քվանտային օպտիկայի մեջ: Մոդելը կօգնի մշակողներին գրել եւ վրիպազերծել բարդ կոդեր:
Մասնավորապես, վերջինիս համար ընկերությունը թողարկել է o1-ի թեթեւ եւ էժան տարբերակը՝ o1-mini-ն: Երկուսի համար էլ համատեքստի պատուհանը 128 հազար նշան է: Նրանք չեն ընդունում ֆայլեր եւ պատկերներ, ոչ էլ տվյալներ են փնտրում ինտերնետում:
Վճարովի ChatGPT Plus-ի եւ ChatGPT Team-ի օգտվողները հասանելիություն են ստացել o1 եւ o1-mini նախնական տարբերակներին։ Շաբաթական սահմանաչափը 30 հաղորդագրություն է o1-ի համար եւ 50 հաղորդագրություն՝ o1-mini-ի:
Ձեռնարկությունների եւ Edu պլանների օգտատերերը մուտք կունենան սեպտեմբերի 16-ից: Իսկ API-ի միջոցով դրանք կարող են փորձարկվել հինգերորդ մակարդակի մշակողների կողմից (օգտագործման վրա ծախսել են ավելի քան $1000), նրանց համար սահմանաչափը րոպեում մինչեւ 20 հարցում է։
Հետագայում բոլոր դեպքերում ակնկալվում է սահմանաչափերի ավելացում։ Նախատեսվում է նաեւ մուտք գործել o1-mini անվճար ChatGPT պլանի բոլոր օգտատերերի համար, սակայն հայտնի չէ, թե երբ:
