Գործարկվել է աուտիզմ ունեցող երեխաների համար նախատեսված noomee հավելվածի Android տարբերակը

noomee մոբայլ հավելվածը, որը նախատեսված է աուտիզմ ունեցող երեխաների համար, արդեն հասանելի է PlayStore-ում:

Itel.am-ի հետ զրույցում ստարտափի համահիմնադիր Գայանե Հովհաննիսյանը տեղեկացրել է, որ մինչեւ հունիսի 1-ը հավելվածը կլինի անվճար եւ թույլ կտա խնայել ամսական $15: 

Այս պահին աշխարհում կա 24 մլն-ից ավելի աուտիզմի սպեկտրի խանգարումներ ունեցող երեխա (մինչեւ 18տ․) եւ թիվը գնալով աճում է։ noomee-ի նպատակն է օգնել երեխաներին վարել ինքնուրույն կյանք եւ դառնալ հասարակության լիիրավ անդամ։

Noomee-ն օգնում է երեխաներին կազմակերպել իրենց օրը, սովորել պարզ առօրյա գործողություններ եւ դառնալ ավելի ինքնուրույն։ Թերապիստների համար noomee-ն հանդիսանում է հավելյալ գործիք, որը խնայում է նրանց ժամանակն ու տրամադրում հավելյալ աշխատանքային ռեսուրսներ։

«Ապրիլը աուտիզմի իրազեկման ամիսն է եւ հաշվի առնելով աշխարհում համաճարակի հետեւանքով պայմանավորված իրավիճակն ու ազդեցությունը փոքրիկների վրա, որոշեցինք կարճ ժամանակում վերջնական տեսքի բերեց հավելվածը եւ ապրիլի 2-ին (Աուտիզմի իրազեկման համաշխարհային օրը) հանձնեցինք օգտատերերի դատին»,- ընդգծում է Գայանե Հովհաննիսյանը:

noomee-ի շնորհիվ ծնողները կարող են որոշ չափով լրացնել թերապիաների բացակայությունը եւ օգնել իրենց բալիկներին պահպանել սովորած հմտությունները։  

11:42 | 09.11.18 |

Աուտիզմով երեխաներին օգնող noomee հավելվածը կկիրառվի վերականգնողական կենտրոններում

Գայանե Հովհաննիսյանը նշում է, որ տեխնիկական եւ բովանդակային թեստավորման մի քանի փուլերից հետո հավելվածն արդեն պատրաստ է օգնել աուտիզմի սպեկտրի խանգարումներ ունեցող երեխաներին, նրանց ծնողներին, խնամակալներին եւ նրանց հետ աշխատող մասնագետներին։ 

«Այս պահին խորհուրդ է տրվում հավելվածը կիրառել 3-12տ․ տարիքային խմբի եւ աուտիզմ ախտորոշման դեպքում, սակայն միեւնույն ժամանակ չի բացառվում հավելվածի օգտակարությունը 12տ.-ից բարձր եւ այլ ախտորոշում ունեցող երեխաների համար»,- ընդգծում է Գայանե Հովհաննիսյանը:

Նա ուշադրություն է հրավիրում այն հանգամանքի վրա, որ աուտիզմ ունեցող երեխաներն ունեն  հաղորդակցման, վարքային, առօրյան կազմակերպելու խնդիրներ եւ ուշադրության կենտրոնացման պակաս։ noomee հավելվածը կազմված է 4 բաժիններից, որոնք օգնում են զարգացնել հմտություններ, որոնք կլուծեն վերոնշյալ հիմնական խնդիրները՝ տանը շարունակելով թերապիստների աշխատանքը։ 

Նարինե Դանեղյան