11:57 | 03.04.20 | Նորություններ | 2129
Կառավարությունում քննարկվել է հեռավար ուսուցման հասանելիության ապահովման առաջարկը
ՀՀ Կրթության, գիտության, մշակույթի եւ սպորտի նախարար Արայիկ Հարությունյանը կառավարությունում ներկայացրել է հեռավար ուսուցման հասանելիության ապահովման վերաբերյալ առաջարկություն:
Դրանով նախատեսվում է անապահով ընտանիքների երեխաների կրթական գործընթացը կազմակերպելու համար պետական աջակցությամբ վերջիններիս ապահովել ինտերնետ կապով եւ պլանշետներով: Գաղափարն արժանացել է հավանության:
Վարչապետ Փաշինյանը նշել է, որ ռազմավարական առումով պետք է խնդիր դնել, որպեսզի բոլոր աշակերտները տեխնիկապես լինեն հագեցված, ինչը կարեւոր է նաեւ մարզային համայնքներում ուսուցչական կադրերի պակասը հեռավար կրթությամբ լրացնելու առումով:
Կառավարության ղեկավարը ԿԳՄՍ նախարարին հանձնարարել է Բարձր տեխնոլոգիական արդյունաբերության նախարարության հետ լրամշակել առաջարկությամբ նախատեսվող գործիքակազմերը եւ դրանք ներկայացնել կառավարություն:
