«Թել-Սել» ընկերությունը տեղեկացնում է, որ «հաճախորդներին ամենահարմարավետ ծառայությունները մատուցելու իր սկզբունքին հավատարիմ՝ իրականացնում է տեխնիկական եւ ծրագրային հսկայական փոփոխությունների ու վերազինման գործընթաց՝ տերմինալների միջոցով վճարումները հայկական նոր դրամանիշներով ընդունելու նպատակով»:
ՀՀ նոր թղթադրամներն արդեն ընդունում են ՍԱՍ, «Երեւան սիթի» սուպերմարկետների ցանցերում եւ «Հայմամուլի» կրպակներում տեղադրված Telcell տերմինալները:
Հունիսի 1-ից նոր դրամանիշներով վճարումներ կընդունեն Telcell բոլոր տերմինալները:
«Մեր ողջ գործունեությունն ուղղված է վճարումների գործընթացն առավել հասանելի ու անջանք դարձնելուն, եւ հաճախորդների գեթ աննշան անհարմարությունը մեզ անընդունելի է: Այդ նկատառումով էլ ձեռնամուխ եղանք Telcell ամբողջ համակարգում վերափոխումների աշխատատար ծրագրին: Եվ այսօր արդեն ուրախությամբ արձանագրում ենք դրական արդյունքները»,- ասել է «Թել-Սել»-ի մանրածախ բիզնեսի զարգացման տնօրեն Արթուր Խաչատուրյանը:
11:48 | 02.05.19 |
Նորություններ
Հակոբ Արշակյանը ելույթ է ունեցել Yerevan Testing Days կոնֆերանսում
