SmartGateVC միկրո վենչուրային հիմնադրամը հայտարարել է Embry ստարտափում ներդրում կատարելու մասին:
Նախասաղմնային փուլում որպես համաներդրող հանդես է եկել Citymobil ընկերության գործադիր տնօրենի խորհրդական Ռադիկ Վերդյանը:
Embry-ն քաշի կառավարման նոր սերնդի կրելի սարք է: Այն տեղեկացնում է քաշի ավելացման դեպքում ու հեռախոսային հավելվածի միջոցով տալիս քաշը պահպանելու ու սննդակարգի վերաբերող խորհուրդներ:
Նախնական թիրախային լսարանը զբաղված կանայք են:
«Վաղ շրջանում դու ներդրում ես անում թիմում եւ տեսլականում: Embry-ի տեսլականը վիթխարի է, եւ արդեն 3 տարի է, ինչ գիտենք ստարտափի հիմնադիրներին: Տեսնում ենք շարունակական զարգացում նրանց աշխատանքում եւ, պարզ ասած, սա ներդրում է անհավատալի աճ արձանագրած մարդկանց մեջ»,- նշել է SmartGateVC-ի համահիմնադիր Համբարձում Քաղկեցյանը:
«Երկար ճանապարհ ունենք անցնելու, որպեսզի SmartGateVC-ի ցանցի եւ ռեսուրսների միջոցով ստարտափը հաջողակ դարձնենք Սիլիկոնյան հովտում»,- ասել է SmartGateVC-ի համահիմնադիր Աշոտ Արզումանյանը:
«Այս նախասաղմնային փուլի ներդրումը կօգնի մեր նախատիպը դարձնել վերջնական պրոդուկտ եւ հանել շուկա, ինչպես նաեւ փորձարկել մարքեթինգային տարբեր ռազմավարություններ: SmartGateVC-ի թիմին մեր կողքին ունենալը թույլ կտա մեզ ավելի խելացի գործել եւ ավելի արագ»,- ասել է Embry-ի համահիմնադիր Սարգիս Կարապետյանը:
![](/datas/znews/small_[{"basename":"n.jpg","link":"\/2018\/03\/05\/5a9d39f105d7f6.49498018.jpg","description":{"am":{"label":"XCloud Networks-ի թիմը եւ Աշոտ Արզումանյանը","author":"SmartGateVC"},"ru":{"label":"","author":"SmartGateVC"},"en":{"label":"","author":"SmartGateVC"}},"show_in_text_place":"","hide_from_gallery":"on","sort_order":"0","top":"off"},{"basename":"Без-имени-2.jpg","link":"\/2018\/03\/05\/5a9d39f111fc95.46739060.jpg","description":{"am":{"label":"2Hz ստարտափի թիմը","author":"SmartGateVC"},"ru":{"label":"","author":"SmartGateVC"},"en":{"label":"2Hz startup team","author":"SmartGateVC"}},"show_in_text":"on","show_in_text_place":"1","hide_from_gallery":"on","sort_order":"1"}])
SmartGateVC-ի հիմնադիր խորհրդատու Վազգեն Հակոբջանյանն էլ հավելել է, որ Embry-ն հայտնաբերել է «տեխնոլոգիական ստարտափի քաղց ունեցող շուկա»:
$3 մլն թիրախային կապիտալով SmartGateVC հիմնադրամը մինչեւ $100 հազ. ներդրումներ է կատարում նախասաղմնային փուլում գտնվող ստարտափներում: Հիմնական ուղղություններն են արհեստական բանականությունը, անվտանգությունը եւ իրերի ինտերնետը:
Հիմնադրամը փետրվարի վերջին հայտարարեց, որ ներդրում է ստացել ամերիկացի վենչուրային կապիտալիստ Թիմ Դրեյփերից, որը Skype, Baidu, Hotmail եւ Tesla ընկերություններում առաջին ներդրողներից է: Երևանում ֆոնդը գործում է Hero House քովորքինգ տարածքում:
16:50 | 17.05.18 |
Նորություններ
Երեւանում բացվել է Beeline Ստարտափ Ինկուբատորը
15:37 | 17.05.18 |
Նորություններ
«Թումո»-ն ու ԿԳՆ-ն համատեղ ծրագիր են մեկնարկել
