Ալեքսիս Օհանյանի վենչուրային ընկերությունը ներդրում է կատարել կրիպտո հարթակում

Ալեքսիս Օհանյանի համահիմնադրած եւ Սան Ֆրանցիսկոյում գործող Initialized Capital վենչուրային ընկերությունը գլխավորել է կրիպտո առեւտրի DDEX ստարտափում $2,1 մլն արժողությամբ ներդրումը:

The Wall Street Journal-ի փոխանցմամբ` Initialized Capital գլխավորում է ներդրումային ռաունդը Չինաստանում գործող ZhenFund-ի հետ համատեղ։

2017թ․ հիմնադրված ստարտափը ներգրավված միջոցները կօգտագործի պրոդուկտի նորարարությունները արագացնելու եւ ինժեներական ու գործառնական թիմերն ընդլայնելու համար։

«DDEX-ն այսօր ունի թիմ, փորձ եւ ռեսուրսներ՝ ստեղծելու բարձր ֆունկցիոնալություն ունեցող ապակենտրոնացված փոխարժեքների հարթակ՝ այս հիանալի պահին»,- նշել է Ալեքսիս Օհանյանը:  

Փետրվարին Օհանյանը հայտարարել էր Reddit-ում իր ամենօրյա պարտականություններից հետ կանգնելու մասին, որպեսզի իր ուշադրությունը կենտրոնացնի Initialized Capital-ի աշխատանքների ուղղությամբ։ Նա կշարունակի մնալ Reddit-ի տնօրենների խորհրդում։

Ալեքսիս Օհանյանն արդեն փորձառու ներդրող է՝ նախկինում ներդրումներ է կատարել Coinbase, Instacart եւ Zenefits ընկերություններում։