14:11 | 27.10.17 | Նորություններ | 28587

«Իմ ՎիվաՍել-ՄՏՍ» եւ «ՄոբիԴրամ» հավելվածները կատարելագործվել են

ՎիվաՍել-ՄՏՍ-ը ներկայացրել է երկու հավելված՝ «Իմ ՎիվաՍել-ՄՏՍ» ամբողջապես նորացված հավելվածն ու «ՄոբիԴրամ» բջջային հավելվածը՝ կատարելագործված:

Հավելվածները հաճախորդին օգնում են ժամանակն ու ռեսուրսները խնայելու հարցում, ունեն հարմար ինտերֆեյս, հասանելի են 24/7 ռեժիմով, գործողությունները կատարվում են մի քանի հպումով:

«ՎիվաՍել-ՄՏՍ-ն ու ՄոբիԴրամն աշխատում են բջջային հավելվածների վրա հիմնված համալիր լուծումներ առաջարկելու ուղղությամբ՝ ոչ միայն հեռահաղորդակցության, այլեւ ֆինանսավճարային ծառայությունների ոլորտում: Հավելվածների շնորհիվ բաժանորդներին հասանելի է մշտապես կամ պարբերաբար օգտագործվող ծառայությունների ամբողջ տեսականին: «Ամեն ինչ՝ սմարթֆոնով, մեկ ակնթարթում». մենք գիտակցում ենք, որ հաճախորդի համար ժամանակը խիստ կարեւոր է: Տրամադրելով հավելվածը՝ հաճախորդին տալիս ենք ավելի շատ ազատ ժամանակ՝ հանգստի, ժամանցի ու աշխատանքի համար: Վստահեք մեզ, ստացեք ժամանակ ու հարմարավետություն»,- ասել է ՎիվաՍել-ՄՏՍ-ի գլխավոր տնօրեն Ռալֆ Յիրիկյանը:

«Իմ ՎիվաՍել-ՄՏՍ» հավելվածը սմարթֆոնի միջոցով ծառայություններն ու հաշիվը կառավարելու համար նախատեսված գործիք է եւ տեղեկատվական հարթակ ՎիվաՍել-ՄՏՍ-ի գործող առաջարկների վերաբերյալ:

Հավելվածի միջոցով կառավարվում են մի շարք ծառայություններ, ներառյալ՝

-    հաշվի մնացորդի վերահսկում,
-    անցում այլ սակագնային պլանի,
-    ծառայությունների ակտիվացում/ապաակտիվացում,
-    ինտերնետի, խոսելաժամանակի ու SMS փաթեթները վերահսկելու հնարավորություն,
-    սպասարկման կենտրոնների տեղակայումը,
-    բոնուսային միավորների փոխանակում նվերների հետ եւ այլն:

«ՄոբիԴրամ»-ի միջոցով կարելի է կատարել հետեւյալ գործողությունները՝

-    միկրովարկեր ստանալու հնարավորություն,
-    կոմունալ տարատեսակ ծառայությունների համար վճարում,
-    վարկերի/հիփոթեքի մարում բանկերին ու վարկային կազմակերպություններին  
-    փոխանցումներ «Մոբիդրամ»-ից՝ «Մոբիդրամ»
-    բանկային փոխանցումներ,
-    էլեկտրոնային դրամապանակի պարունակության կանխիկացում,
-    հարկերի, տուգանքների ու կայանատեղի համար վճարումներ,
-    հաշվի համալրում,
-    սոցիալական ցանցեր
-    IP հեռախոսակապ/մեսինջերներ
-    Առցանց խաղեր
-    Միջազգային բջջային օպերատորներ
-    Էլ. դրամապանակներ
-    Ստացված հաշիվների վճարումներ: