Ալեքսիս Օհանյան

Reddit

Ամերիկահայ ձեռներեց, ներդրող, Reddit սոցիալական լրատվական կայքի համահիմնադիր

Հայկ Կայսերյան

KAYWEB and KAYWEB Angels

Ավստրալաբնակ հրեշտակ ներդրող, KAYWEB, KAYWEB Angels ընկերությունների հիմնադիր

Ալ Եսայան

IntelinAir

Ամերիկահայ գործարար, IntelinAir ընկերության հիմնադիր

Նինա Աչաջյան

HIVE

HIVE ներդրումային հիմնադրամի հիմնադիր

Share4Car

Օնլայն AutoStop-ը միավորում է նույն ճանապարհով երթեւեկողներին

Wakie

Զրուցել անծանոթի հետ, ստանալ հուզող հարցերի պատասխաններ

OutChat

Ծանոթանալ եւ հանդիպել 24 ժամ անց

Mobitaxi

Օնլայն տաքսի ծառայություն

A2B transport

Երեւանի տրանսպորտային երթուղիների որոնում

Noble Run

Անցնել խոչընդոտները եւ ողջ մնալ

Calculator (APPA)

Հաշվել ԱՊՊԱ-ի հետ կապված ծախսերը

TaxoLine

Տաքսիների օնլայն պատվիրում Երեւանում

Երեւանում քննարկում են ինտերնետ կառավարման խնդիրները

Այսօր Երեւանում մեկնարկել է Հայկական ինտերնետ կառավարման 3-րդ համաժողովը՝ ArmIGF 2017-ը:

ՀՀ տրանսպորտի, կապի եւ տեղեկատվական տեխնոլոգիաների նախարար Վահան Մարտիրոսյանը կարեւորել է հատկապես կիբերանվտանգության խնդիրը՝ նշելով, որ այն կառավարության ուշադրության կենտրոնում է: Նախարարի խոսքով՝ հայեցակարգն արդեն մշակված է, սկսվել է ռազմավարության մշակումը, որը կներկայացվի մինչեւ տարեվերջ:

«2017թ. առաջին կիսամյակում ՏՀՏ ոլորտում արձանագրվել է 35 տոկոս աճ: Ինտերնետն այսօր մեր կյանքի մասնիկն է դարձել,եւ առանց հասարակության տարբեր շերտերի ներգրավման՝ հնարավոր չէ դրա կառավարումն իրականացնել»,- նշել է Վահան Մարտիրոսյանը:

Տեղեկատվական անվտանգության փորձագետ Սամվել Մարտիրոսյանն էլ ասել է, որ ինտերնետի խնդիրները հենց նրանով են յուրահատուկ, որ միջսահմանային են, եթե մի խնդիրը հանդիպում է երկրներից մեկում, ապա ուշ թե շուտ տարածվում է նաեւ մյուս երկրներում:  

«Այդ խնդիրները լուծելու համար հարկավոր է համագործակցություն միջազգային մակարդակով: Երկրի ներսում եւս հնարավոր չէ խնդիրները լուծել, օրինակ, միայն պետական մեթոդներով: Միգուցե եւ հնարավոր է, բայց այդ դեպքում պետությունը դառնում է ռեպրեսիվ մեքենա: Բարեբախտաբար, Հայաստանում ինտերնետի խնդիրները չեն լուծվում այն մեթոդներով, ինչպես մի շարք երկրներում, որտեղ պետությունը փորձում է դրանք մենաշնորհային ձեւով լուծել: Հայաստանում հիմնական խնդիրները մի կողմից՝ ընդհանուր հանրային անգրագիտության հետ են կապված: Բնակչության մեծ մասը տեղյակ չէ այն խնդիրներին, որոնց կարող է հանդիպել ինտերնետից օգտվելիս՝ սկսած երեխաներին առնչվող խնդիրներից մինչեւ կիբերանվտանգության խնդիրներ: Մյուս հարցը օրենսդրությունն է, որովհետեւ ինտերնետն աճում է շատ արագ, եւ մեր օրենսդրությունը, կարծում եմ, չի հասցնում այդ ամենի հետեւից»,- նշել է Սամվել Մարտիրոսյանը:

Փորձագետի խոսքով՝ հայ օգտատերերի հիմնական խնդիր գրագիտության պակասն է:

«Ադրբեջանցիները մեկ ամսում կարողացան մի քանի հազար օգտատիրոջ հաշիվ կոտրել, եւ հաշվի առնելով, որ նրանք լուրջ մեթոդներ չեն կիրառել, դա վատ ցուցանիշ է: Սա խոսում է այն մասին, որ մարդիկ նվազագույն բազային գիտելիքներ չունեն ինտերնետից օգտվելիս, ինչը նաեւ պետության խնդիր է. եթե դու ունես մեծ թվով մարդիկ, որոնց կարելի է հեշտությամբ կոտրել եւ ապատեղեկատվություն տարածել, ապա դա դառնում է բավական լուրջ հարց»,- ընդգծել է Սամվել Մարտիրոսյանը:

ArmIGF 2017-ը կազմակերպվում է «ՀՀ Ինտերնետ կառավարման համաժողով» միջգերատեսչական խմբի կողմից, ՀՀ տրանսպորտի, կապի եւ տեղեկատվական տեխնոլոգիաների նախարարության եւ «Ինտերնետ հանրություն» ՀԿ-ի աջակցությամբ:

submit to reddit

Մեկնաբանություններ

Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում:



banks
mediamax
sport
bravo