«Վիմպելկոմ» հոլդինգը կվերանվանվի VEON` պայմանավորված ինտերնետային համանուն հարթակի գործարկմամբ:
Ընկերությունում հայտնել են, որ մարտի 30-ին տնօրենների խորհրդի նիստ կհրավիրվի՝ որոշումը հաստատելու համար:
«Վիմպելկոմ»-ում նշել են, որ VEON-ը միավորում է դատա-վերլուծությունները եւ արհեստական բանականությունը: Միաժամանակ, հարթակը թույլ է տալիս օգտատերերին մնալ կապի մեջ անգամ այն դեպքում, երբ սակագնային պլանով նախատեսված դատա-փաթեթը սպառվել է:
Ինտերնետ հարթակն առաջինը գործարկվել է Իտալիայում:
«Ռեբրենդինգն արտացոլում է մեր նկրտումները՝ վերափոխելու ընկերությունը հեռահաղորդակցությունից դեպի գլոբալ տեխնոլոգիական լիդերի», - նշել է «Վիմպելկոմ գրուպ»-ի գործադիր տնօրեն Ժան Իվ Շարլին:
Նրա խոսքով՝ ինտերնետային հարթակի գործարկումը օգտատերերին հնարավորություն կտա, մասնավորապես, օգտվել հաղորդագրությունների անվճար համակարգից, երաժշտական եւ բանկային նոր ծառայություններից:
Ժան Իվ Շարլին հավելել է, որ այսօր «Վիմպելկոմ»-ը հայտարարել է STUDIO+ վիդեոծառայության, Deezer երաժշտական հավելվածի եւ Mastercard միջազգային վճարային համակարգի հետ համագործակցության մասին: Այդ ծառայությունները կինտեգրվեն ինտերնետային հարթակին:
Նոր հարթակը կներկայացվի Բարսելոնայում այսօր մեկնարկած Mobile World Congress-ի շրջանակում:
11:43 | 27.02.17 |
Նորություններ
Zangi-ն կներկայացնի Հայաստանը Mobile World Congress-ում
11:19 | 27.02.17 |
Նորություններ
Beeline-ի աջակցությամբ ֆիլմարտադրության դասընթացներ են անցկացվել
