Արտաշես Վարդանյան

Microsoft Innovation Center

Մայքրոսոֆթ ինովացիոն կենտրոնի տնօրեն

Րաֆֆի Գրիգորյան

U.S. Democratic National Committee

ԱՄՆ դեմոկրատական կուսակցության ազգային հանձնաժողովի գլխավոր տեխնոլոգիական տնօրեն (CTO)

Մարինա Մխիթարյան

Kolba Lab

ՄԱԶԾ/Կոլբա նորարարական լաբորատորիայի ղեկավար

Հայկ Կայսերյան

KAYWEB and KAYWEB Angels

Ավստրալաբնակ հրեշտակ ներդրող, KAYWEB, KAYWEB Angels ընկերությունների հիմնադիր

Mashtots

Արեւմտահայերեն սովորեցնող հավելված

Movie Trip

Տեղեկատվություն հայտնի ֆիլմերում ներկայացված վայրերի մասին

TaxoLine

Տաքսիների օնլայն պատվիրում Երեւանում

Velopark

Հեծանվային կայանատեղիների, սպասարկման կետերի որոնում

Eye Care Plus

Ստուգել եւ մարզել տեսողությունը

Share4Car

Օնլայն AutoStop-ը միավորում է նույն ճանապարհով երթեւեկողներին

Mobitaxi

Օնլայն տաքսի ծառայություն

Zangi

Անվճար HD տեսազանգեր,չաթ

Հոլանդական ինկուբատորը ներդրում է կատարել հայաստանյան ստարտափում

Հոլանդական Crosspring ինկուբատորը ներդրում է կատարել Հայաստանում գործող՝ լրացված իրականության լուծումներ մշակող Triple-E ստարտափում:

Triple-E-ն հարթակ է, որը թույլ է տալիս ստեղծել եւ տարածել լրացված իրականության սեփական մշակումները՝ տեսանյութեր, լուսանկարներ, 3D մոդելներ:

Itel.am-ի հետ զրույցում Triple-E-ի համահիմնադիր եւ գործադիր տնօրեն Արյան Բեհզադին եւ հոլանդացի ձեռներեց, ներդրող, Crosspring սաղմնային (seed) աքսելերատորի եւ ինկուբատորի հիմնադիր Մորիս Բեքենդ Վերվին նշել են, որ ներդրման չափը չեն կարող բացահայտել:

Արյան Բեհզադին պատմել է, որ Crosspring-ից ստացած ներդրումն առաջինն է իրենց պրակտիկայում:

«Շուրջ 1 ու կես տարի առաջ ես եւ իմ մենթոր Մոհամմադ Մահդի Կերմանին սկսեցինք աշխատել լրացված եւ վիրտուալ իրականության լուծումների վրա: 2016թ. մարտին Երեւանում IBM ISTC-ի ուսանողներից կազմված թիմ հավաքեցի, եւ միասին նախագիծը վերածեցինք ստարտափի: Մինչ օրս մեր թիմը հաղթել է մի շարք նախագծերում՝ այդ թվում՝ IBM ISTC Startup Challenge-ում, Smarter Armenia Hackathon-ում: Դեկտեմբերին ստացանք Գիտության, տեխնոլոգիաների եւ ձեռներեցության ծրագրի (STEP) դրամաշնորհը»,- նշել է նա:

Հարթակը, Triple-E-ի համահիմնադրի խոսքով, մարդկանց հնարավորություն է տալիս իրենց պատկերացումները կյանքի կոչել՝ առանց կոդ գրելու գիտելիքների անհրաժեշտության:

Triple-E-ում, համահիմնադիրներից բացի, աշխատում է 4 մասնագետ, սակայն Արյան Բեհզադիի խոսքով, մոտ ապագայում նախատեսում են ընդլայնվել: Նա նաեւ տեղեկացրել է, որ պրոդուկտը հայկական շուկայում տարածելուց հետո կթիրախավորեն եվրոպական շուկան:

Մորիս Բեքենդ Վերվին իր հերթին նշել է, որ ներդրում կատարելիս իրենք ուշադրություն են դարձնում թիմին, մասշտաբայնությանը, շուկայում հայտնվելու պահին եւ միջազգային ներուժին:
 
«Թվարկածս որակներին Triple-E-ն համապատասխանում էր: Ի դեպ, Crosspring-ն իր պորտֆոլիոյի ընկերություններին աջակցում է ոչ միայն ֆինանսավորմամբ, այլեւ ռազմավարական հարցերում: Ընկերությունները կարողանում են օգտվել մեր մյուս պորտֆոլիո ընկերությունների եւ շրջանավարտների ցանցի, ինչպես նաեւ ամբողջ Եվրոպայում գործող տեխնոլոգիական կենտրոնների ընձեռած հնարավորություններից»,- ասել է ներդրողը:
 
Անդրադառնալով հարցին, թե լինելու են արդյոք ներդրման հետագա ռաունդներ, Մորիս Բեքենդ Վերվին ասել է, որ դա կախված է Triple-E-ի զարգացման հեռանկարներից.

«Առաջին հերթին պետք է կենտրոնանալ պրոդուկտն արտերկիր դուրս բերելու ուղղությամբ: Սա կնպաստի ընկերության արժեքի ավելացմանը, եւ եթե հարկավոր լինի հավելյալ ներդրում, այն ավելի հեշտ կլինի գտնել»:

Crosspring-ի հիմնադիրը նաեւ ընդգծել է, որ այս ներդրումը Հայաստանում իրենց գործունեության սկիզբն է միայն:

«Հետաքրքրված ենք ավելին անել հայկական ՏՏ ոլորտում: Ի դեպ, Crosspring-ը սկսել է համագործակցություն Ձեռնարկությունների ինկուբատոր հիմնադրամի հետ՝ փետրվարից մայիս ամիսներին ընթացող նոր աքսելերացիոն ծրագրի շրջանակում: Սա մեզ թույլ կտա ավելի համապարփակ պատկերացում կազմել հայաստանյան ՏՏ ներկա զարգացումների մասին»,- ասել է Մորիս Բեքենդ Վերվին:

Նարինե Դանեղյան

submit to reddit

Մեկնաբանություններ

Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում:



banks
mediamax
sport
bravo