Հայաստանյան 10 ստարտափ կմասնակցի Startup Istanbul ֆորումին

Հայաստանը ներկայացնող 10 ստարտափ կմասնակցի հոկտեմբերի 6-10-ը կայանալիք «Startup Istanbul» տարածաշրջանային ֆորումին՝ Հանրային լրագրության ակումբի (Հայաստան) եւ ՏԵՊԱՎ հիմնադրամի (Թուրքիա)՝ «Ձեռներեցների փոխայցելություն» նախագծի միջոցով:   

Նախագիծը մասն է կազմում «Աջակցություն Հայաստան-Թուրքիա կարգավորման գործընթացին» ծրագրի, որին աջակցում է Եվրոպական Միությունը:

Ֆորումին 135 երկրից դիմել է 24 հազ-ից ավելի ստարտափ, որոնցից ընտրվել են 500-ը:

Հայաստանյան պատվիրակության կազմում ընդգրկված են հետեւյալ նախագծերը՝

1.    Heltun - «Խելացի» տան կառավարման համակարգեր,
2.    Scycryptor – Ամպային տվյալների անվտանգություն,
3.    LiTech – Լուսավորության նորարար տեխնոլոգիաներ,
4.   HY Pictures - Ինտերակտիվ գրաֆիկական պատմվածքներ ,
5.    Bookoholics – Բջջային հավելված գրքասերների համար,
6.   EarlyOne - Հերթագրման ավտոմատացված համակարգեր ,
7.    HurryApp – Կազմակերպություններին նոր հաճախորդներ բերող մարքեթինգային ստեղծարար գործիք,
8.    DressZone – Կանանց համար իրենց զգեստների միջոցով գումար խնայելու եւ վաստակելու առցանց համակարգ,
9.    FortuneCup – Բախտագուշակների հետ իրական կապ հաստատող բջջային հավելված,
10.  ArmNomads - Խաղերի ծրագրավորում:

Հայաստանը ներկայացնող բոլոր ստարտափները միջոցառման ընթացքում կմասնակցեն նաեւ Ստարտափների ցուցահանդեսին՝ առանձին տաղավարում ներկայացնելով ոչ միայն սեփական ընկերությունը, այլ նաեւ Հայաստանի ՏՀՏ էկոհամակարգը:

Scycryptor եւ EarlyOne ստարտափներն ընդգրկվել են լավագույն 100-ի ցանկում եւ հնարավորություն են ունենալու իրենց գաղափարներն անհատապես ներկայացնելու մենթորներին: Վերջիններիս կողմից լավագույն 50-ի մեջ ընդգրկվելու պարագայում ստարտափներն իրենց գաղափարները կներկայացնեն անմիջապես ներդրողներին, իսկ վերջիններիս կողմից լավագույն 15-ի մեջ ընդգրկվելու դեպքում համաժողովի բեմից հնարավորություն կունենան իրենց գաղափարները ներկայացնելու 4000-ից ավելի մասնակիցների եւ մամուլի առջեւ: