13:07 | 27.09.16 | Նորություններ | 8153

Beeline-ի աջակցությամբ կկայանա «Հուսո առագաստ»-ի գալա համերգը

Beeline-ը եւ «Սիվիլ Արտ» մշակութային հասարակական կազմակերպությունը հայտարարում են «Հուսո առագաստ 2016» համահայկական երկրորդ փառատոնի երեւանյան գալա համերգի անցկացման մասին:

Համերգը տեղի կունենա հոկտեմբերի 1-ին՝ ժամը 19:00-ին, Հակոբ Պարոնյանի անվան երաժշտական կոմեդիայի պետական թատրոնում:  

«Beeline-ը շարունակում է աջակցել երիտասարդների համար նոր հեռանկարների ստեղծման եւ նրանց կյանքն ավելի լավ դարձնելուն ուղղված ծրագրերին: «Հուսո առագաստ 2016» փառատոնը բացահայտեց բազմաթիվ տաղանդավոր հեղինակ-կատարողների, ովքեր, համոզված եմ, կզարգացնեն երաժշտական այս ուղղությունը Հայաստանում: Թող որ այս փառատոնը եւ համերգը նրանց համար լինեն մեկնարկ հետագա հագեցած ստեղծագործական ճանապարհի համար»,- ասել է Հայաստանում Beeline-ի գլխավոր տնօրեն Անդրեյ Պյատախինը: