«Սիներջի»-ն ՏՏ ուսանողների համար կազմակերպում է ամառային դպրոց

«Սիներջի» ընկերությունը ՏՏ ուսանողների համար այս տարի եւս կազմակերպում է ամառային դպրոց:

Երկամսյա վերապատրաստումը (հուլիս-օգոստոս) կիրականացվի երկու հիմնական ուղություններով՝ տվյալների բազա եւ Java ծրագրավորում:

Ընկերությունում նշել են ամառային դպրոցին մասնակցելու առավելությունները՝

-    Անվճար հնարավորություն է,
-    Բուհը դեռ չավարտած աշխատանքի հնարավորություն «Սիներջի» ընկերությունում,
-    Դասընթացներ եւ վարպետաց դասեր՝ փորձառու մասնագետների կողմից,
-    Մասնակցություն Synergy IT School Hackathon-ին,
-    Հավաստագրեր բոլորին:

Մայիսի 17 եւ 18-ին «Սիներջի»-ն կազմակերպում է բաց դռների օր, որտեղ կներկայացվեն մանրամասներ ընդունելության կարգի եւ ուսումնական ծրագրերի վերաբերյալ:

Բաց դռներին գրանցվելու համար անհրաժեշտ է լրացնել հայտը:

Ամառային դպրոցի ընդունելությանը դիմելու համար անհրաժեշտ է լրացնել այս դիմումը:

«Սիներջի» ընկերությունը ՏՏ ուսանողների համար ամառային դպրոց է կազմակերպում 2003-ից: