Կայացել է հայկական ՏՏ համայնքի նոյեմբերյան հանդիպումը

Երեկ Երեւանում՝ PicsArt Armenia-ի գրասենյակում, կայացել է Հայաստանի ՏՏ համայնքի հերթական հանդիպումը, որին շուրջ 120 մարդ է մասնակցել։

Միջոցառման ընթացքում 5 ստարտափներ ներկայացրել են իրենց գաղափարները, եւս 4-ը փորձել են համահիմնադիր գտնել։

Մասնակիցները հնարավորություն են ստացան շրջել PicsArt Armenia-ի գրասենյակում։

Միջոցառման կազմակերպիչ, Մայքրոսոֆթ ինովացիոն կենտրոն ստարտափ աքսելերացիայի ծրագրի ղեկավար Արտաշես Վարդանյանը Itel.am-ին տեղեկացրել է, որ հաջորդ հանդիպումը կկայանա դեկտեմբերին։

«Կհավաքենք կարծիքներ, ինչի շնորհիվ հաջորդ հանդիպումն ավելի արդյունավետ կանցկացվի»,- ասել է նա՝ միաժամանակ շնորհակալություն հայտնելով PicsArt Armenia-ին՝ միջոցառումը կազմակերպելու համար։