Հայ մասնագետների մշակած PicsArt մոբայլ հավելվածը, որը նախատեսված է լուսանկարների խմբագրման համար, մոտ ապագայում $15 մլն-ի նոր ֆինանսավորում կստանա:
Այս մասին հայտնում է Fortune.com-ը՝ վկայակոչելով իր աղբյուրները:
Հիշեցնենք, որ ամիսներ առաջ PicsArt-ը ամերիկյան Sequoia Capital վենչուրային ընկերությունից $10 մլն ֆինանսավորում էր ստացել: Fortune-ի տեղեկություններով, Sequoia-ն այս անգամ եւս ներգրավված է գործընթացում, սակայն չի հանդիսանում գլխավոր ներդրողը:
2011թ. նոյեմբերին Հովհաննես Ավոյանի եւ Արտավազդ Մեհրաբյանի հիմնադրած PicsArt-ի ներբեռնումների թիվը բոլոր հարթակներում այսօր հասնում է 250 մլն-ի, իսկ ամսական ակտիվ օգտատերերի թիվը 60 մլն է:
PicsArt-ը ֆոտոխմբագրիչ է եւ միավորում է արվեստասերներին: Այն համարում են Photoshop-ի եւ Instagram-ի խառնուրդ:
17:22 | 16.04.15 |
Նորություններ
Digicode մրցույթ՝ դպրոցականների համար
