Երեւանում վճարովի ավտոկայանատեղիների վճարումը այսուհետ կարելի է կատարել նաեւ տերմինալներով:
Երեւանի քաղաքապետարանի մամուլի ծառայությունից հայտնում են, որ մայրաքաղաքում վճարահաշվարկային տերմինալների տեղադրումը սկսվել է փետրվարից: Առաջին փուլով դրանք տեղադրվում են Կենտրոն եւ Արաբկիր վարչական շրջաններում: 2-րդ եւ 3-րդ փուլերով նախատեսվում է տեղադրել նաեւ մյուս վարչական շրջաններում:
Տերմինալների տեղադրմամբ զբաղվում են S PAY եւ EASY PAY ընկերությունները:
Դրանք տեղադրվում են վճարովի կայանատեղերի մասին վկայող ցուցանակի կողքին կամ հարակից որեւէ հատվածում:
«Սկզբունքն այնպիսին է, որ չլինի այնպիսի փողոց, որտեղ գործի կայանատեղի, սակայն բացակայի տերմինալը: Տերմինալների տեղադրմամբ դրանցից օգտվողների թիվը, ըստ հաշվարկների, կտրուկ կաճի, իսկ սխալվելու դեպքերի հավանականությունն ու սխալի պարզաբանման հետ կապված քաշքշուքները գրեթե կբացառվեն»,- ասված է քաղաքապետարանի հաղորդագրությունում:
Տերմինալներով կարելի է վճարումներ կատարել նաեւ կոմունալ–կենցաղային, բջջային կապի եւ այլ ծառայությունների դիմաց, առանց միջնորդավճարի:
19:11 | 07.03.15 |
Նորություններ
Beeline-ի գլխավոր տնօրենը դասախոսություն է կարդացել ԵՊՀ-ում
12:08 | 07.03.15 |
Նորություններ
2019-ին Հայաստանը կհյուրընկալի ՏՏ համաշխարհային համաժողովը
