Beeline-ը երկարաձգում է «Կապի մեջ» ռոումինգ ծառայության ժամկետը

Beeline-ը հայտարարել է «Կապի մեջ» ռոումինգ ծառայության ժամկետի երկարաձգման մասին:

Beeline-ի բջջային կապի կանխավճարային եւ հետվճարային հաշվարկային համակարգերի բաժանորդները կարող են շարունակել օգտվել ռոումինգի աննախադեպ ցածր գներից մինչեւ 2015թ. հունվարի 31-ը:

«Կապի մեջ» ծառայությունը, ռոումինգի ցածր գների շնորհիվ, կարճ ժամանակահատվածում մեծ տարածում գտավ մեր բաժանորդների շրջանում: Մենք որոշեցինք երկարաձգել ծառայության ժամկետը, քանի որ Beeline-ը ձգտում է բաժանորդների կյանքն ավելի լավ դարձնել` նրանց հնարավորություն ընձեռելով վայելել մեր պարզ եւ հարմար ծառայությունները»,- նշել է Հայաստանում Beeline-ի գլխավոր տնօրեն Անդրեյ Պյատախինը:

Գտնվելով Beeline ցանցում Վրաստանում, Ռուսաստանում եւ ԱՊՀ այլ երկրներում, Wind ցանցում Իտալիայում կամ Kyivstar ցանցում Ուկրաինայում՝ հաճախորդները կարող են ընդունել մուտքային զանգեր, ինչպես նաեւ զանգահարել Հայաստանի Beeline բջջային հեռախոսահամարներին 29.99 դրամ մեկ միասնական սակագնով։

1ՄԲ բջջային ինտերնետի եւ ելքային SMS հաղորդագրության արժեքը կազմում է 29.99 դրամ։ Մուտքային SMS հաղորդագրություններն անվճար են։

Բացի այդ, գտնվելով Beeline ցանցում Վրաստանում, Ռուսաստանում եւ ԱՊՀ այլ երկրներում, Wind ցանցում Իտալիայում կամ Kyivstar ցանցում Ուկրաինայում՝ կանխավճարային եւ հետվճարային հաշվարկային համակարգերի բաժանորդները կարող են անվճար զանգահարել Հաճախորդների սպասարկման ծառայության +374 80000612 հեռախոսահամարով։ Անվճար զանգահարելու համար անհրաժեշտ չէ նախապես հավաքել որեւէ հրահանգ կամ ակտիվացնել ծառայություն։

«Կապի մեջ» ծառայությունը ակտիվացնելու համար հաճախորդը պետք է իր բջջային հեռախոսից հավաքի *655# հրահանգը։ Ծառայության ակտիվացման գումարը կազմում է 290 դրամ։ Ծառայությունից օգտվելու համար անհրաժեշտ է անվճար ակտիվացնել ռոումինգը՝ հավաքելով #351*0000# հրահանգը, եթե հաճախորդը կանխավճարային հաշվարկային համակարգի բաժանորդ է, կամ դիմել հաճախորդների սպասարկման ծառայություն 0611 համարով, եթե հաճախորդը հետվճարային հաշվարկային համակարգի բաժանորդ է: