photo © Mediamax

Բագրատաշեն սահմանային անցակետի մոտ բացվել է Beeline դիլերական գրասենյակ

Beeline-ը հայտարարում է Տավուշի մարզում վաճառքի եւ սպասարկման դիլերական գրասենյակի բացման մասին: Գրասենյակը գտնվում է Բագրատաշեն սահմանային անցակետի մոտ եւ աշխատելու է երկուշաբթիից-կիրակի` ժամը 10:00-ից մինչեւ 19:00-ն առանց ընդմիջման:

«Բագրատաշեն սահմանային անցակետի մոտ գրասենյակի բացումը հատուկ կարեւորություն ունեցող իրադարձություն է մեզ համար, քանի որ Բագրատաշենը հանդիսանում է բեռնափոխադրումների եւ ուղեւորափոխադրումների կարեւորագույն կենտրոն եւ Հայաստանում ամենամարդաշատ մաքսային կետերից մեկը: Մեզ համար շատ կարեւոր է Beeline-ի պարզ եւ հարմար ծառայությունները հասանելի դարձնել ոչ միայն Հայաստանի բնակիչներին, այլ նաեւ երկրի հյուրերին», - նշել է Հայաստանում Beeline-ի գլխավոր տնօրեն Անդրեյ Պյատախինը:

Նշենք, որ ներկայումս Հայաստանում գործում է Beeline-ի 80 վաճառքի եւ սպասարկման գրասենյակ: