-
«ՏՀՏ լիդերների հանդիպում» ֆորում (արխիվային լուսանկար)
15:20 | 18.04.14 | Նորություններ | 974
Շուշիում կկայանա «ՏՀՏ լիդերների հանդիպում» ֆորումը
Ապրիլի 19-20-ին Շուշիում կկայանա «ՏՀՏ լիդերների հանդիպում» ֆորումը, որը կազմակերպել է Ինֆորմացիոն տեխնոլոգիաների ձեռնարկությունների միությունը` նպատակ հետապնդելով խթանել տեխնոլոգիական զարգացումն Արցախում:
Թվով 4-րդ անգամ կազմակերպվող «ՏՀՏ լիդերների հանդիպում» ֆորումի օրակարգային հարցերից են Արցախի ներդրումային միջավայրի ու զարգացման հնարավորությունները, տեխնոլոգիական կրթության եւ աշխատուժի խնդիրները, տեխնոլոգիական ընկերությունների եւ արտադրական ենթակառուցվածքների համագործակցությունը:
Հանդիպման ընթացքում Արցախում արդեն իսկ գործող տեխնոլոգիական ընկերությունները կներկայացնեն իրենց փորձը եւ կկիսվեն հաջողության իրենց պատմություններով:
Միջոցառմանը կմասնակցեն ՏՀՏ/ՏՏ ոլորտի մի շարք ընկերություններ, Լեռնային Ղարաբաղի բիզնեսի ներկայացուցիչներ, ինչպես նաեւ պետական պաշտոնյաներ:
